یہ مُستقَر ہے شہنشاہِ دو جہاں ﷺ کے لیے
یہ مُستقَر ہے شہنشاہِ دو جہاں ﷺ کے لیے
زمین رشک کے لائق ہے آسماں کے لیے
ہمارے پاس عقیدت کی اُون ہے موجود
سو ایک شال بُنی جائے جسم و جاں کے لیے
بس ایک سمت چمکتی ہوئی اندھیرے میں
بس ایک نقش کی جِھلمل ہے کارواں کے لیے
ہمیں حضور ﷺ کی رحمت نے ڈھانپ رکھا ہے
کبھی دعا نہیں مانگی ہے سائباں کے لیے
اُس ایک اسم کی خوشبو اُتر گئی مجھ میں
یہ کام ٹھیک ہُوا تازگیء جاں کے لیے
Title Photo by Tarik Sami
About the Author
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
کیا آپ بھی لکھاری ہیں؟اپنی تحریریں ہمیں بھیجیں، ہم نئے لکھنے والوں کی حوصلہ افزائی کرتے ہیں۔ |
