ڈاکٹر قیصر انیس (پی بی پی سی) چیئرمین کے عہدے پر منتخب
ابوظہبی (نمائندہ خصوصی) کل شام چھ بجے متحدہ عرب امارات ابوظہبی کے رمادا ہوٹل میں پاکستان بزنس پروفیشنل کونسل (پی بی پی سی) کی ایگزیکٹو باڈی کا اجلاس ہوا۔ اس اجلاس میں کونسل کے ایگزیکٹو ممبران نے ووٹنگ کے ذریعے کونسل کے نائب چیئرمین ڈاکٹر قیصر انیس کو چیئرمین کے عہدے پر منتخب کیا۔ ووٹنگ کے موقع پر بزنس کونسل کے تمام ممبران موجود تھے۔ اجلاس کے بعد کونسل راس الخیمہ اور فجیرہ کے چیف کوارڈینیٹر انجنیئر محمد جاوید نے ڈاکٹر قیصر انیس کو مبارک باد پیش کی اور کہا کہ ڈاکٹر قیصر انیس ایک متحرک اور مخلص کاروباری شخصیت ہیں ان کا چیئرمین کے طور پر منتخب ہونا ایک انقلاب قدم ہے۔
راس الخیمہ کی کاروباری شخصیت ندیم بٹ اور کالم نگار ایم یوسف بھٹی نے کونسل کی ممبرشپ رجسٹر کروائی جنہیں کونسل کے نئے منتخب چیئرمین ڈاکٹر قیصر انیس نے اعزازی بیج لگائے۔ کونسل کے نئے رجسٹرڈ ممبر ندیم بٹ کو چیئرمین ڈاکٹر قیصر انیس نے ان کی سماجی خدمات پر انہیں شیلڈ بھی پیش کی۔ ڈاکٹر قیصر انیس نے بطور کونسل چیئرمین تقریر کرتے ہوئے کہا کہ آج پی بی پی سی کے نئے دور کا آغاز ہوا ہے میری کوشش ہو گی کہ میں امارات میں موجود پاکستان کی بزنس کمیونٹی کو ترقی کے نئے مواقع فراہم کروں۔ انہوں نے کہا کہ میں اپنی لیڈرشپ میں پاکستان اور متحدہ عرب امارات کے تجارتی تعلقات کو عروج پر لے کر جاؤں گا۔
About the Author
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
کیا آپ بھی لکھاری ہیں؟اپنی تحریریں ہمیں بھیجیں، ہم نئے لکھنے والوں کی حوصلہ افزائی کرتے ہیں۔ |
