اکادمی ادبیات کیمبل پور اٹک کے زیرِ اہتمام تعزیتی اجلاس
اٹک ( پ ر ) احمد علی ثاقب کے والد ڈاکٹر شجاع اختر اعوان کی والدہ، پروفیسر نصرت بخاری کے بھائی، راجہ مختیار سگھروی کی ہمشیرہ کے انتقال پر گہرے رنج و غم تعزیت کا اظہار کیا گیا مورخہ ۲۷ دسمبر بروز ہفتہ شام چار بجے میونسپل کمیٹی اٹک کے ہال میں اکادمی ادبیات کیمبل پور اٹک کے زیرِ اہتمام ایک تعزیتی اجلاس انعقاد پذیر ہوا۔
اجلاس کی صدارت معروف شاعر و ادیب جناب اعجاز خان ساحر نے کی۔ جبکہ مہمانِ خصوصی شاعر، ادیب اور معروف قانون دان ایڈووکیٹ سپریم کورٹ جناب شیخ احسن الدین تھے۔ دیگر شرکاء کے اسماء گرامی تھے۔ احمد علی ثاقب صدر اکادمی ادبیات کیمبل پور اٹک، طاہر اسیر جنرل سیکرٹری، سید مونس رضا نائب صدر، حسین امجد سیکرٹری مالیات، محسن عباس ملک ممبر ایگزیکٹو کونسل، آغا سید جہانگیر علی بُخاری، ثمن ملک صحافی، افکار کاظمی وظائف، سید جواد، علی عبدالرزاق، راجہ زاہد حسین، فیصل مقصود، محمد اعجاز، علی رضا اجلاس میں پروفیسر نُصرت بُخاری صاحب کے بھائی مرحوم سید طاہر حسین، احمد علی ثاقب صاحب کے والد حاجی فقیر محمد مرحوم، راجہ مختار احمد سگھروی صاحب کی ہمشیرہ مرحومہ اور خواہرِ نسبتی مرحومہ، ڈاکٹر شجاع اختر اعوان صاحب کی والدہ مرحومہ کے ایصال ثواب کے لیے فاتحہ خوانی کی گئی اور مرحومین کی بخشش کے لیے دعا کی گئی اور لواحقین سے اظہارِ تعزیت کیا گیا۔
اجلاس کی ابتدا سید مونس رضا نے تلاوتِ کلامِ مجید سے کی۔ نعت گو شاعر اور نعت خواں سید جواد حیدر نے اور خوش الحان نعت خواں اور بہترین شاعر حسین امجد نے نعت خوانی کی اور آخر میں سید مونس رضا نے سب مرحومین کے لیے دعا کروائی۔ جنرل سیکرٹری طاہر اسیر نے تمام شرکاء کا شکریہ ادا کیا۔
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
کیا آپ بھی لکھاری ہیں؟اپنی تحریریں ہمیں بھیجیں، ہم نئے لکھنے والوں کی حوصلہ افزائی کرتے ہیں۔ |
