Tag: ادب

دوسرا سالانہ بابا طالب جتوئی ایوارڈ پروگرام 2025

٭

رپورتاژ

٭

ڈاکٹر رحمت عزیزخان چترالی٭

ادب کسی بھی قوم کی روح ہوتا ہے اور جب یہ ادب اُس قوم کی اپنی مادری زبان میں ہو تو یہ نہ صرف اُس قوم کو اپنی پہچان عطا کرتا ہے بلکہ اسے اپنی جڑوں سے بھی جوڑتا ہے۔ اس تناظر میں پنجابی ادبی تنظیم ”چاننی“ ساہیوال کی جانب سے منعقد ہونے والا دوسرا سالانہ بابا طالب جتوئی ایوارڈ پروگرام جوکہ 12 اپریل 2025 کو ساہیوال میں منعقد کیا گیا، ایک اہم ادبی، ثقافتی اور تہذیبی سنگ میل کی حیثیت رکھتا ہے۔

اس ایوارڈ پروگرام میں ایک فکری وژن کی بھر پور انداز میں عکاسی کی گئی۔ یہ پروگرام صرف اعزازات تقسیم کرنے کی تقریب نہیں بلکہ پنجابی زبان کے ساتھ ساتھ اردو اور کھوار زبان، تہذیب، تاریخ اور ادبی ورثے کی بقا اور ترویج کا ایک بھرپور مظہر بھی تھا۔ شاکر جتوئی (صدر) اور اعظم سہیل ہارون (جنرل سیکرٹری) کی ادبی بصیرت، مسلسل محنت اور خلوص نے اس ایوارڈ پروگرام کو پنجابی ادب کے ساتھ ساتھ اردو اور کھوار زبان و ادب کی ایک معتبر روایت بنا دیا ہے۔

اس سال پورے پاکستان سے جن شعرا، ادباء، محققین اور دانشوروں کو ایوارڈز کے لیے منتخب کیا گیا ہے، وہ نہ صرف تخلیقی حوالے سے اہم نام ہیں بلکہ فکری و تنقیدی میدان میں بھی نمایاں مقام رکھتے ہیں۔ مثال کے طور پر محبوب سرمد کی کتاب "اکھراکھر حمداں” میں رب کی حمد و ثنا کو روحانی انداز میں پیش کیا گیا ہے۔ ڈاکٹر مشرف حسین انجم کی تخلیق "خوشبوئے ختم المرسلین” عشقِ رسول ﷺ کی خوشبو کو لفظوں میں سمیٹتی ہے۔ پروفیسر ڈاکٹر محمد نواز کنول کی تحقیقی کتاب "رومی اور اقبال میں فکری روابط” علم و فکر کے نئے زاویے پیش کرتی ہے۔ یہ فہرست صرف شاعری یا نثر پر مشتمل نہیں بلکہ اس میں تنقید، تحقیق، تاریخی شعور اور زبان کی خدمت کرنے والے سینئر و جونیئر اہلِ قلم کو بھی شامل کیا گیا ہے۔ اس سلسلے میں پنجابی سیوک ایوارڈ بہت ہی اہم ہے جو کہ پنجابی ادب کے فروع کے لیے ادیبوں کی خدمات کا اعتراف بھی ہے۔ تنظیم ”چاننی“ کی جانب سے پیش کیے جانے والے پنجابی سیوک ایوارڈز اُن شخصیات کو دیے جا رہے ہیں جنہوں نے پنجابی زبان و ادب، تحقیق، تعلیم یا سماجی خدمات کے ذریعے نمایاں کام کیا ہے۔مثلاً: اشرف رجوکا، راکی ولسن، ڈاکٹر طارق محمود آکاش وغیرہ کو یہ ایوارڈ دیا گیا ۔ نذیر زاہد مرحوم کو بعد از وفات ایوارڈ دینا اُن کی خدمات کو خراجِ عقیدت پیش کرنے کے مترادف ہے۔ ایوارڈ میں خواتین کو بھی بھرپور انداز میں نمائندگی دی گئی ہے۔ اس فہرست میں خواتین اہلِ قلم جیسے کہ انیسہ بتول، نوشین نوشی، نمرہ شہزاد، حائقہ نور کی شمولیت اس امر کا ثبوت ہے کہ پنجابی ادب میں خواتین کی موجودگی دن بہ دن مستحکم ہو رہی ہے اور وہ نئے موضوعات اور منفرد انداز کے ساتھ اپنی ادبی شناخت بنا رہی ہیں۔

ساہیوال، لاہور، فیصل آباد، جھنگ، چنیوٹ، سرگودھا، میانوالی، ڈیرہ غازی خان اور چترال سمیت کئی اضلاع سے تعلق رکھنے والی شخصیات کی شمولیت اس بات کی مظہر ہے کہ بابا طالب جتوئی ایوارڈ ایک علاقائی نہیں بلکہ قومی سطح پر پنجابی، اردو اور کھوار ادب کے فروغ کی تحریک بنتا جا رہا ہے۔

بابا طالب جتوئی ایوارڈ صرف ایک اعزاز نہیں بلکہ ایک ایسی ادبی، فکری اور روحانی تحریک ہے جو پنجابی زبان اور ثقافت کو زندہ رکھنے اور اسے دنیا بھر میں متعارف کرانے کے لیے کوشاں ہے۔ ”چاننی“ جیسی ادبی تنظیمیں نہ صرف زبان و ادب کا تحفظ کر رہی ہیں بلکہ نئی نسل کے لیے ایک روشن مثال بھی قائم کر رہی ہیں۔ بابا طالب جتوئی ایوارڈ فقط ایک تقریب نہیں، بلکہ ایک عہد، ایک خواب اور ایک مسلسل جدوجہد کا نام ہے۔ میں ادبی تنظیم چاننی، تنظیم کے صدر و جنرل سیکریڑی شاکر جتوئی اور اعظم سہیل ہارون ایڈووکیٹ کو تقریب کے انعقاد پر مبارک باد پیش کرتا ہوں۔ جن جن خوش نصیب ادیبوں کو طالب جتوئی ایوارڈ سے نواز ا گیا ان کے نام یہ ہیں۔

1۔ محبوب سرمد (فیصل آباد) اکھراکھر حمداں

2۔ سید مبارک علی شمسی (حاصل پور) والشمس والضحی

3۔ ڈاکٹر مشرف حسین انجم (سرگودھا) خوشبوٸےختم المرسلین

4۔ محمد یعقوب فردوسی امیر بادشاہ ( بھلوال) جلوہ نور

5۔ غلام محمد حامی(ساہیوال) پکھواں بھلیا اڈنا

6۔ انجینٸر ظفر محی الدین (لاہور) سجن دے ہتھ بانہہ

7۔ محمد طاہر نعیم (دیپالپور) پھلاں نال یارانے

8۔ انتظار حسین ساقی (فیصل آباد) اساں پڑھیاں عشق نمازاں

9۔ احسان فیصل کنجاہی (گجرات) مٹی کے رنگ

10۔ اعظم سہیل ہارون (حاصل پور) ایک دریا ہے میری آنکھوں میں

11۔ انیسہ بتول (گجرات) مقالہ نگاربکھری زلفیں

12۔ پروفیسر طارق ارسلان طارق (ٹوبہ ٹیک سنگھ) پہلی صورت

13۔ شوکت رفتہ ( تاندلیانوالہ) کھلے پھول حسرتوں کے

14۔ ارشاد ڈیروی ( ڈیرہ غازی خان ) ڈاج لٹی ہوٸی شام 

15۔ ملک غلام مرتضی موہانہ ( ڈیرہ غازی خان ) گنڑ جے کاغذ

16۔ حاجی محمد اسلم جاوید ( گجرات ) تاریخ قاسم آباد

17۔ ڈاکٹر محمد عبدالمالک ( گجرات) سخن دلنواز

18۔ پروفیسر ڈاکٹر محمد نواز کنول ( سانگلہ ہل) رومی اور اقبال میں فکری روابط

19۔ محمد خضر حیات خان ایڈووکیٹ (حاصل پور) جستجو عین کی

20۔ احمد دین قادری (ساہیوال) پنجابی سیوک ایوارڈ 

21۔ عابدعلیم سہو( بھکر) پنجابی سیوک ایوارڈ 

22۔ اشرف رجوکا(چنیوٹ) پنجابی سیوک ایوارڈ 

23۔ راٸے انس منیب (چنیوٹ) پنجابی سیوک ایوارڈ 

24۔ ڈاکٹر طارق محمود آکاش (ڈسکہ) پنجابی سیوک ایوارڈ 

25۔ راکی ولسن (ڈسکہ) پنجابی سیوک ایوارڈ 

26۔ اشتیاق احمد نوشاہی سچیاری( گوجر خان) نوشاہیاں نے شاہ

27۔ پروفیسر عاصم اسلم (ساہیوال) پنجابی سیوک ایوارڈ 

28۔ پروفیسر ڈاکٹر مشتاق عادل کاٹھیا(ساہیوال) پنجابی سیوک ایوارڈ 

29۔ محمود محسن (پاکپتن) سانجھی پیڑ

30۔ عبدالرحیم بھٹی (ہری پور) تاریخ راجپوت بھٹی

31۔ علی محمد خاکی بلوچ (میانوالی) مَنیوا

32۔ پروفیسر ڈاکٹر محمد ایوب (فیصل آباد) اےاللہ میں حاضر آں

33۔ پروفیسر ڈاکٹر غلام دستگر (فیصل آباد ) حرفِ حقیقت

34۔ شوکت مغل (گوجرہ) پیڑاں دے وچکار

35۔ میاں فیروز قیصر بریت (لاہور) پنجابی سیوک ایوارڈ

36۔ نذیر زاہد (مرحوم) ۔۔۔(قصور) پنجابی سیوک ایوارڈ

37۔ صوفی محمد ضیاء شاہد (کمالیہ) پنجابی سیوک ایوارڈ

38۔ محمد افضل خان وینس (خیر پور ٹامیوالی) پنجابی سیوک ایوارڈ

39۔ علی تنہا (لیہ) لہو آنکھوں سے بہتا ہے

40۔ محمد عثمان چشتی پھلروان (تاندلیانوالہ) ڈاکٹر محمد افتخار شفیع کی ادبی جہات

41۔ نوشین حسین نوشی (گوجرانوالہ) آکھیا سی نا لوگ نٸیں چنگے

42۔ حاٸقہ نور (لاہور) پنجابی سیوک ایوارڈ

43۔ علی عمران سندھو (حویلی لکھا۔۔۔اوکاڑہ) پنجابی سیوک ایوارڈ

44۔ منصب علی وٹو (پاکپتن) پنجابی سیوک ایوارڈ

45۔ نمرہ شہزاد (جھنگ) رنگِ حیات

46۔ ڈاکٹر رحمت عزیز چترالی (چترال) میرا اقبال

47۔ ڈاکٹر زاہد یاسین اکھیاں (چنیوٹ) حرفِ حیاتی

48۔ یسین ثاقب بلوچ(میانوالی) نکات دل

49۔ بشیر ندیم (سرگودھا) نگھیاں بُکلاں

50۔ ڈاکٹر عارف حسین عارف (فیصل اباد)انتخاب اصناف شعر و نثر

51۔ راحت امیر خان تری خیلوی (میانوالی) بے اندازیاں

52۔ فرح علوی (پاکپتن) بانس کی باڑ

53۔ ثمرہ کوثر (چیچہ وطنی) حلیم الحق حقی اور تصوف

54۔ مقصود قلزم (فیصل آباد) پنجابی سیوک ایوارڈ

55۔ محمد اختر خان (ساہیوال) پنجابی سیوک ایوارڈ 

56۔ اسرار مسعود ساجد (پاکپتن) پنجابی سیوک ایوارڈ

57۔ شہراز وٹو (فیصل آباد) پنجابی سیوک ایوارڈ

58۔ قراةالعین شفق (ساہیوال) پنجابی سیوک ایوارڈ

صحب اردو انٹرنیشنل: بلوچستان کا معیاری رسالہ

ڈاکٹر رحمت عزیز خان چترالی

ادبی صحافت کسی بھی زبان کی ترقی و ترویج میں اہم کردار ادا کرتی ہے۔ اسی تناظر میں دیکھا جائے تو "صحب اردو انٹرنیشنل” ایک منفرد اور شاندار ادبی جریدہ ہے جو بلوچستان کے شہر پسنی سے اکمل اور وارث اسلم راہی کی ادارت میں شائع ہو رہا ہے۔ یہ جریدہ نہ صرف اردو زبان کے فروغ کا باعث ہے بلکہ اس نے اردو، بلوچی اور براہوی ادب کے درمیان ایک فکری و علمی پل بھی قائم کیا ہے۔

"صحب اردو انٹرنیشنل” کا تازہ شمارہ جنوری تا جون 2025 (جلد 7 اور 8) حال ہی میں منظر عام پر آیا ہے۔ اس جریدہے کو مدیران نے مبارک قاضی جیسے نامور بلوچی شاعر کے نام منسوب کیا ہے، جو بلوچی ادب میں ایک نمایاں مقام رکھتے ہیں۔ اس ادبی جریدے کی سب سے نمایاں بات یہ ہے کہ اس کا اجرا اردو زبان میں کیا گیا ہے، جو بلوچستان جیسے خطے میں اردو کے فروغ کا ایک مثبت اور قابلِ تحسین قدم ہے۔

یہ جریدہ ملہب پبلشنگ ہاؤس، پسنی، بلوچستان سے شائع ہوتا ہے اور اس کے معاون مدیر وارث اسلم ماہی ہیں۔ جریدے کی کل صفحات کی تعداد 357 ہے اور اس کی قیمت 1000 روپے مقرر کی گئی ہے جو پاکستانی قارئین کے لیے کسی حد تک زیادہ ہے۔

ہر علمی و ادبی جریدہ ایک خاص نظریے اور مقصد کے تحت شائع ہوتا ہے۔ "صحب اردو انٹرنیشنل” کے مدیر اکمل شاکر نے اپنے اداریے میں جریدے کی اشاعت کے بنیادی اسباب اور اس کے اغراض و مقاصد کو واضح کیا ہے۔ اداریہ مختصر ہے لیکن تفصیلی اداریہ ہوتا تو بہتر تھا جس میں اردو زبان و ادب کی ضرورت، بلوچستان میں اردو کے فروغ کی اہمیت اور اردو و بلوچی ادب کے باہمی تعلقات پر روشنی ڈالی جاتی تو اس کی قدر و قیمت میں مزید اضافہ ہوتا۔ یہ جریدہ نہ صرف اردو زبان کے لیے ایک علمی و تحقیقی پلیٹ فارم فراہم کرے گا بلکہ بلوچی و براہوی ادیبوں اور شاعروں کے لیے بھی ایک ذریعہ بنے گا تاکہ وہ اپنے تخلیقی اظہار کو اردو زبان میں بھی پیش کر سکیں۔

"صحب اردو انٹرنیشنل” میں ادب کی تمام اصناف کو شامل کیا گیا ہے، جس سے اس جریدے کی جامعیت اور ادبی وسعت کا اندازہ ہوتا ہے۔ اس میں مضامین، افسانے، غزلیں، دوہے، کتابوں پر تبصرے اور خطوط جیسے ادبی و تحقیقی مواد شامل ہیں، جو اردو زبان و ادب کی کئی جہات کو سموئے ہوئے ہیں۔

اس شمارے میں کئی اہم ادبی شخصیات کے لیے خصوصی گوشے مختص کیے گئے ہیں، جو اس جریدے کی ایک منفرد خصوصیت ہے۔ ان گوشوں میں شامل نمایاں ادیب و شعراء کے نام درج ذیل ہیں:

ڈاکٹر سید قاسم جلال (بہاولپور)

قاضی اعجاز محور (گوجرانوالہ)

پروفیسر ڈاکٹر محمد رفیق (لاہور)

زیب النساء زیبی (کراچی)

ڈاکٹر منور احمد کنڈے (لندن)

سید سردار حسین اداس (اٹک)

سید شرافت عباس ناز (کوئٹہ)

شاہدہ لطیف (اسلام آباد)

ایم زیڈ کنول (لاہور)

عمران شاہ (اٹک)

نسیم سحر (راولپنڈی)

یہ نامور شخصیات اردو ادب میں نمایاں مقام رکھتی ہیں اور ان کی تخلیقات "صحب اردو انٹرنیشنل” کے ادبی معیار کو مزید بلند کرتی ہیں۔

یہ جریدہ ایک بین الاقوامی معیار کے ادبی پلیٹ فارم کے طور پر ابھرتا دکھائی دیتا ہے، جس میں پاکستان کے مختلف شہروں اور بیرونِ ملک سے علمی و ادبی شخصیات کی شمولیت اس کی وسعت و اثرپذیری کو ظاہر کرتی ہے۔ اس میں شامل تحریریں فکری پختگی، تنقیدی بصیرت اور تخلیقی اظہار کے اعلیٰ معیار کی حامل ہیں۔

جریدے کی قیمت 1000 روپے رکھی گئی ہے، جو ایک عام پاکستانی قاری کے لیے نسبتاً زیادہ ہے۔ یہ قیمت شاید اس کے بین الاقوامی معیار اور شمولیت کو مدنظر رکھتے ہوئے طے کی گئی ہو، لیکن اردو ادب کے فروغ کے لیے اس کی قیمت کو کچھ کم کرنے کی ضرورت ہے تاکہ زیادہ سے زیادہ قارئین اس سے مستفید ہو سکیں۔

"صحب اردو انٹرنیشنل” بلوچستان جیسے خطے سے نکلنے والا ایک منفرد اردو ادبی جریدہ ہے، جو نہ صرف اردو زبان کی خدمت کر رہا ہے بلکہ مستقبل میں اردو، براہوئی اور بلوچی ادب کے درمیان فکری اور تخلیقی روابط بھی قائم کرے گا۔ مدیر اکمل شاکر اور معاون مدیر وارث اسلم ماہی اس کامیاب اشاعت پر مبارکباد کے مستحق ہیں۔ اگر اس جریدے کی قیمت کو مناسب سطح پر لایا جائے اور اس کے اشاعتی دائرہ کار کو مزید وسیع کیا جائے تو یہ اردو ادب کی ترقی میں ایک اہم سنگ میل ثابت ہوگا ان شا الله۔

درویشیات – ليت الفتى شجرة

قسط أول 

تحریر و تحقیق 

شاندار بخاري 

مقيم مسقط 

درویشیات کے نام سے علمی و ادبی سلسے کا آغاز کر رہا ہوں جسمیں دنیا بھر سے چنیدہ لکھاریوں کی تحریروں کو اردو میں ترجمہ کر کے آسان الفاظ میں آپ ادب شناس احباب تک پہنچا سکوں اس پر اپنی رائے کا اظہار ضرور کیجئے گا تاکہ حوصلہ افزائی یا اصلاح ہو سکے۔

پہلی قسط میں چونکہ میں خود خطہ عرب میں مقیم ہوں تو عرب لکھاری محمود درويش جو عربي ادب میں عصر حاضر کے نمائندہ اور عظیم ترین شاعر مانے جاتے ہیں ان کی تحریروں پر اردو زبان میں کچھ لکھنے یا ان کو اپنے انداز سے پیش کرنے کی جسارت کر رہا ہوں تاکہ عربی زبان سے نابلد قارئین تک درويش کے تجربات آسان الفاظ میں منتقل کر سکوں تو ان کی ایک مشہور نظم ” ليس الفتى شجرة ” کے نام سے موجود ہے یعنی درخت کی جبلت پر مبنی تحریر ہے جسے انہوں نے انسانی رویوں اور شخصیت کے پہلوؤں سے تشبیہ دی ہے ان کا موازنہ کیا ہے۔

درويش لکھتے ہیں کہ ایک درخت دوسرے درخت کی بہن ہو جیسے، کوئی نیک سیرت پڑوسی ہو جیسے، یہ درخت دوسرے درختوں کا پھل نہیں چراتے ، اگر ایک درخت پر زیادہ پھل لگ گئے ہیں تو کم پھل والے درخت اس سے جلتے نہیں ہیں اور اگر کسی درخت پر کم پھل لگے ہین تو زیادہ پھل والے درخت اس کا مذاق نہین اُڑاتے ، بڑا درخت چھوٹے درخت کو چھاؤں فراہم کرتا ہے ، مضبوط درخت کمزور درخت پر حملہ نہیں کرتے ، ایک دوسرے کو برا بھلا نہیں کہتے ، درخت کبھی لکڑھارے کا مقابلہ نہیں کرتے ، یہی درخت جب تراش کر کشتی بن جائیں تو منزل تک پہنچاتے ہیں دروازہ بند جائیں تو لوگوں کے رازوں کو باہر نہیں جانے دیتے ، کرسی بن جائیں تو اپنے اوپر تنے ہوئے آسمان کو کبھی نہیں بھولتے ، جب میز بن جائیں تو لکھاری کو سکھاتے ہیں کہ کچھ بھی ہو تم نے لکڑہارا نہیں بننا ، ان درختوں کی چھاؤں تلے کتنے مسافروں اور کتنے عاشقوں کو سائبان ملا جو اکثر انہیں درختوں کو چھیل کر زخمی کر کے ان پر تحریریں چھوڑ جاتے ہیں اور یہ درخت بجائے بدلہ لینے کے ان کے نقوش کو اپنے سینے میں سمو لیتے ہیں اور ساری عمر کھڑے رہتے ہیں بانہیں پھیلائے۔

بقول شاعر، 

ہم محبت میں درختوں کیطرح ہیں أحسن، 

جہاں لگ جائیں وہاں عمروں کھڑے رہتے ہیں۔

اے میری شاخ شاخ کے مقروض، جا، شجر بد دعا نہیں دیتے۔ تو اپنی زندگیوں میں بھی اس نظم سے متاثر ہو کر بدلاو لائیں اپنی مصروفیات سے وقت نکالیں اور قدرت کا مشاہدہ کریں اس میں چھائے جمال، سکوت، صبر کے رموزوں سے خود کا آشنا کریں آپ کی بے ہنگم زندگیوں میں بھی جمال، سکوت اور ربط آجائے گا۔

آخر میں آپ کی نذر عربی زبان میں لکھی محمود درویش کی شہرہ آفاق نظم جو دیدہ وروں کیلئے تعویذ محبت ہے۔

الشجرة أخت الشجرة، أو جارتها الطيّبة.

الكبيرة تحنو على الصغيرة، وتُمدُّها بما ينقصها

من ظلّ. والطويلة تحنو على القصيرة،

وترسل اليها طائراً يؤنسها في الليل. لا

شجرة تسطو على ثمرة شجرة أخرى، وإن

كانت عاقراً لا تسخر منها. ولم تقتل

شجرةٌ شجرةً ولم تقلِّد حَطّاباً. حين صارت

زورقاً تعلَّمت السباحة. وحين صارت

باباً واصلت المحافظة على الأسرار. وحين صارت

مقعداً لم تنسَ سماءها السابقة.

وحين صارت طاولة عَلَّمت الشاعر أن لا

يكون حطاباً. الشجرة مَغْفَرةٌ وسهَرٌ.

لا تنام ولا تحلم. لكنها تُؤتمنُ على أسرار

الحالمين، تقف على ساقها في الليل والنهار.

تقف احتراماً للعابرين وللسماء. الشجرة

صلاة واقفة. تبتهل الى فوق. وحين

تنحني قليلاً للعاصفة، تنحني بجلال راهبة

وتتطلع الى فوق… الى فوق. وقديماً قال

الشاعر: «ليت الفتى حجر». وليته قال:

ليت الفتى شجرة!

2024:زبان و ادب کے فروغ لیے کھوار اکیڈمی کی خدمات

ڈاکٹر رحمت عزیز خان چترالی٭

کھوار اکیڈمی نے 1996 سے 2024 تک کے عرصے میں لسانی، ادبی اور ثقافتی ترقی میں ایک اہم کردار ادا کیا ہے۔ اس ادارے کی شائع کردہ کتابوں اور سافٹ ویئرز نے نہ صرف کھوار زبان و ادب کو محفوظ کرنے میں مدد کی ہے بلکہ اس کی ترویج و اشاعت میں بھی نمایاں خدمات انجام دی ہیں۔ کھوار اکیڈمی کی اشاعتیں مختلف موضوعات پر محیط ہیں جن میں لسانیات، ادب، بچوں کا ادب، اقبالیات اور مذہبی علوم شامل ہیں۔

کھوار زبان کی گرامر، لغت اور محاورات پر مبنی کتابیں جیسے کھوار گرامر، چترالی انگریزی گرامر، ضرب المثال کی لغت اور آن لائن کھوار اردو انگریزی لغت شامل ہیں۔ یہ کتابیں نہ صرف کھوار زبان کے قواعد و ضوابط کو محفوظ کرتی ہیں بلکہ ان کو سیکھنے اور سمجھنے کے لیے ایک مضبوط بنیاد بھی فراہم کرتی ہیں۔

کھوار ادبیوں کی شاعری اور ادبی تخلیقات نے کھوار ادب کو ایک نئی جہت دی ہے۔ راقم الحروف کی کتابیں جیسے (گلدان رحمت اردو شعری مجموعہ)، (گلدستہء رحمت کھوار شعری مجموعہ)، ٹریبیوٹ ٹو حضرت محمد ﷺ (نعتیہ شعری مجموعہ مع اردو اور انگریزی تراجم) یہ کتابیں کھوار اور اردو زبان و ادب کے مختلف پہلوؤں کو نمایاں کرتی ہیں اور کھوار زبان میں طنزیہ و مزاحیہ شاعری کی خوبصورتی کو اجاگر کرتی ہیں۔ اردو، پشتو، سرائیکی، ہندکو، سندھی، کھوار اور دیگر چالیس سے زائد پاکستانی زبانوں کے لیے تیار کردہ کھوار زبان کی ہفت پلیٹ فارمی کلیدی تختیوں کا سافٹویر یہاں سے مفت ڈاونلوڈ کیا جاسکتا ہے۔

کھوار زبان میں بچوں کے ادب کی ترویج کے لیے کھوار اکیڈمی نے کئی اہم کتابیں شائع کی ہیں جن میں چترال کی بچوں کی لوک کہانوں کو تالاش، خوابوں کی شہزادی اور پھوپھوکان اقبال کے نام سے شایع کیا گیا ہے۔ان کھوار اور اردو کتابوں میں بچوں کے لیے کہانیوں اور تخیلاتی ادب کا ایک منفرد ذخیرہ پیش کیا گیا ہے۔کھوار اور اردو زبان میں اقبالیات کے حوالے سے کھوار اکیڈمی نے رحمت عزیز خان چترالی کی تحریر کردہ کتابیں شائع کی ہیں جن میں فکر اقبال (کھوار)، میرا اقبال(اردو/کھوار) اور پھوپھوکان اقبال (کھوار) شامل ہیں۔یہ کتابیں علامہ اقبال کے افکار و خیالات کو کھوار زبان میں متعارف کرانے کا اہم ذریعہ ثابت ہوئی ہیں۔ کھوار زبان و ادب کے بارے میں انگریزی کتابیں اس لنک پر امازوں میں موجود ہیں۔

اسی طرح مذہبی موضوعات پر شائع ہونے والی کتابوں میں رہبر اعظم ﷺ اور قرآن مجید (سورہ فاتحہ کے کھوار تراجم و تفسیر) شامل ہیں
یہ کتابیں کھوار زبان میں مذہبی ادب کی ترویج کا ایک منفرد کوشش ہیں۔

کھوار اکیڈمی نے سفرنامے اور خودنوشت سوانح عمری بھی شایع کیے ہیں۔کھوار اکیڈمی نے کھوار ادب کے ساتھ ساتھ اردو ادب میں بھی حصہ ڈالا ہے، جیسے چترال سے کراچی تک (اردو سفرنامہ)، ہندوکش سے ہمالیہ تک (اردو سفرنامہ) اور چترال کہانی شامل ہیں۔ یہ کتابیں چترال کی ثقافت اور زندگی کے مختلف پہلوؤں کو اجاگر کرتی ہیں۔

کھوار اکیڈمی کی خدمات میں لسانی ورثے کا تحفظ بھی شامل ہے۔ کھوار زبان کی گرامر، لغت، اور محاورات پر مبنی کتابوں نے زبان کے تحفظ اور ترقی میں اہم کردار ادا کیا ہے۔

اس اکیڈمی کی ادبی خدمات نے کھوار ادب کو عالمی سطح پر متعارف کرانے میں مدد دی ہے۔ جن میں جدید ٹیکنالوجی کا استعمال بھی شامل ہے۔ کھوار اکیڈمی نے لسانیاتی کی بورڈ سافٹ ویئرز جیسے آراے چترالی ہفت پلیٹ کھوار کیبورڈ سافٹویر کے ذریعے کھوار زبان کو ڈیجیٹل دنیا میں داخل کیا ہے۔

کھوار اکیڈمی کی کتابیں امازون پر دستیاب ہیں، جو کہ بین الاقوامی قارئین کے لیے ایک اہم ذریعہ ہیں۔

کھوار اکیڈمی کی خدمات زبان، ادب، اور ثقافت کے میدان میں قابل ستائش ہیں۔ ان کی شائع کردہ کتابیں نہ صرف کھوار زبان کے ورثے کو محفوظ کر رہی ہیں بلکہ نئی نسل کو اس سے روشناس بھی کرا رہی ہیں۔ 2024 تک کی اشاعتیں اس بات کی گواہی دیتی ہیں کہ کھوار اکیڈمی نے اپنے مشن کو کامیابی سے پورا کیا ہے اور مستقبل میں بھی اس کے روشن امکانات ہیں۔

ضلع بھکر کا ادبی جائزہ برائے سال 2024ء

تجزیہ نگار : مقبول ذکی مقبول ، بھکر

حسبِ سابق امسال بھی ضلع بھکر کا نظم و نثر اور جملہ ادبی سرگرمیوں کا اجمالی جائزہ شائقین و قارئینِ ادب کی بارگاہ میں بہ صد خلوص و احترام پیشِ خدمت ہے ۔ جس سے باآسانی گزشتہ سالوں سے موازنہ ہو پائے گا ۔ کہ یہ سال ادبی حوالے سے کیسا رہا ۔

سرائیکی شاعر استاد الشعراء سئیں نذیر احمد نذیر ڈھالہ خیلوی ، محلہ سردار بخش بھکر شہر میں رہتے ہیں ۔ آپ سکول آف تھاٹ کا درجا رکھتے ہیں ۔ گزشتہ سال کی طرح 2024ء میں بھی آپ کی رہائش گاہ ( ڈیرہ کاکا خیل) پر شعراء و ادباء کا آنا جانا لگا رہا ہ ۔ شان دار ادبی نشستیں ہوتی رہیں اور تین مشاعرے بھی ہوئے ۔ اور ایک کتاب کی تقریب رونمائی بھی

ارشد حسین خوبصورت شاعر ہیں بھکر شہر سے ہیں حلقہ فروغِ ادب بھکر کے چیئرمین ہیں حلقہ فروغِ ادب کے زیرِ اہتمام 2 ذی الحجہ 2024ء کو ایک محفل مسالمہ منعقد ہوا ۔
زیرِ صدارت ڈاکٹر محمد افضل خان ڈھانڈلہ ( سابق ایم این اے) اور مہمانِ خصوصی استاد الشعراء سئیں نذیر احمد نذیر ڈھالہ خیلوی تھے مقامی شعرا نے بھرپور شرکت کی ۔
یہ محفل مسالمہ ارشد حسین بھٹی کی رہائش گاہ بھکر شہر میں منعقد ہوا اس کے بعد 2024ء میں کوئی اور ادبی کام سامنے نہ آ سکا۔

جاوید عباس جاوید کے قلم سے لکھے ہوئے چند مضامین مقامی اخبارات میں میں گزشتہ سال کی طرح 2024ء میں بھی شائع ہوتے رہے ہیں ۔

روزنامہ ٫٫ عوام کی عدالت ،، بھکر گزشتہ سال کی طرح 2024ء میں بھی اخبار نے مثبت کردار ادا کیا ہے سال 2024ء میں بھی شعرو شاعری میسج بک کے نام سے ڈیلی کی بنیاد پر نوجوانوں کے پسندیدہ منتخب اشعار شائع ہوتے رہے ہیں ۔ جولائی 2024ء سے تسلسل کے ساتھ انیل چوہان کی غزل شائع ہوتی رہی ہے ۔ راقم الحروف اور دیگر قلم کاروں کی تحریریں اور ادبی خبریں وغیرہ روزنامہ ٫٫ عوام کی عدالت ،، بھکر کی زینت بنتی رہی ہیں ۔

روزنامہ ٫٫ نوائے بھکر ،، بھکر روزنامہ ٫٫ بھکر ٹائمز ،، بھکر اور روزنامہ ٫٫ سچائی ،، بھکر اخبارات گزشتہ سال کی طرح 2024ء میں بھی ادبی مضامین و خبریں وغیرہ شائع کرنے میں مثبت کردار ادا کیا ہے ۔ اس طرح سے لکھاریوں کے حوصلے بلند ہوئے ہیں ۔

محفلِ مسالمہ 2 جولائی 2024ء کو گلشنِ مدینہ بھکر میں قلب عباس عابس کی رہائش گاہ پر منعقد ہوا ۔

ڈاکٹر خالد اسراں شاعر و ادیب ہیں اور ادبی تنظیم بزمِ ہادی کے بانی ہیں ۔ ان کی کُتب کا تفصیلی ذکر ادبی جائزہ سال 2023ء میں کیا گیا ہے ۔ بزمِ ہادی کے زیرِ اہتمام ہاشمی کلینک منڈی ٹاؤن بھکر دو ادبی نشستیں منعقد ہوئی ہیں ۔ اس بزمِ کے زیرِ اہتمام 2024ء میں ایک کتاب بھی شائع ہوچکی ہے ۔

ادبی مشاعرہ 7 اکتوبر 2024ء کو ( اونرالمدینہ بوائز ہاسٹل نزد لاری اڈا بھکر ) منعقد ہوا جس میں معروف شعراء کرام نے شرکت کی ۔

تحصیل بھکر کے قصبہ میں عابد علیم سہو ، اڈا جہان خان چک نمبر 46 میں مقیم ہیں ۔ اُردو پنجابی اور سرائیکی زبان میں شاعری کرتے ہیں ۔ بزمِ رفیق کے روحِ رواں ہیں ان کی بزمِ کے زیرِ اہتمام دو ادبی نشستیں 2024ء میں منعقد ہوئی ہیں ۔

12 اگست 2024ء کو سالانہ تقریب پرچم کشائی کے موقع پر محفل مشاعرہ واٹر سپلائی گراؤنڈ نزد گرلز کالج ، بہل میں منعقد ہوا جس میں بھرپور شعراء کرام نے شرکت کی اور عوام نے بھی کثیر تعداد میں شرکت کی ۔

9/10 نومبر 2024ء کی درمیانی شب جناح اسکول اینڈ کالج کیمپس دریا خان دوسرا سالانہ مشاعرہ منعقد ہوا ۔ بانیان محفل مشاعرہ ڈاکٹر محمد پروان انجم اور ملک نصیر پہوڑ تھے ۔

جاوید اختر فاروق تحصیل دریا خان کے گاؤں برکت والا کے رہائشی ہیں ۔ ادبی تنظیم بہارِ ادب کے روحِ رواں ہیں ۔ ادبی تنظیم بہارِ ادب کے زیرِ اہتمام جون 2024ء کو ادبی نشست کا اہتمام کیا گیا تھا ۔ اس تنظیم بہارِ ادب کے باقی ادبی پروگرام حالات کا شکار ہوگئے ہیں ۔

تحصیل دریا خان کا قصبہ دُلے والا شاہنواز ارشد (مرحوم) اور نجیب اللّٰہ خان نیازی (مرحوم) کی یاد میں ایک مشاعرہ 14 ستمبر 2024ء کو منعقد ہوا ( بمقام اسلام دال ملز ایم ایم روڈ دُلے والا) جس میں بھرپور شعراء اور سامعین نے شرکت کی منتظمین میں عبد الغفار نئر اور احسن حیات مغل تھے ۔

تحصیل کلورکوٹ بزمِ طاہر ، شاہ عالم نشیب بستی اکڑا کانجن 2024ء میں ہر ماہ کی پانچ تاریخ کو ادبی نشست ہوتی رہی ہے اور سالانہ مشاعرہ 4 اکتوبر 2024ء کو منعقد ہوا ہے ۔

تحصیل کلورکوٹ کے گاؤں غلاماں میں ادبی تنظیم بزمِ یاراں کے روحِ رواں فاروق احمد فاروق تھلہ ہیں ۔ ان کی بزمِ کے زیرِ اہتمام 2024ء میں ادبی نشستیں ہر ماہ کو باقاعدگی سے ہوتی رہی ہیں اور ایک شاندار و کامیاب مشاعرہ 23 نومبر 2024ء کو منعقد ہوا ہے
اسی گاؤں کی ایک اور ادبی تنظیم بزمِ پارت ہے جس کے بانی و صدر ذوالفقار راقم ہیں ۔ 2024ء میں ان کی بزمِ نے ہر تین ماہ بعد ایک ادبی نشست کا اہتمام کیا ہے اور دو بڑے کامیاب مشاعرے بھی کرواچکی ہے ۔

28/29 ستمبر 2024ء کی درمیانی شب اکڑا کانجن تحصیل کلورکوٹ میں سرائیکی محفل مشاعرہ منعقد ہوا بانی مشاعرہ ملک محمد اشرف جوئیہ ، ملک غلام شبیر کانجن تھے ۔

تحصیل منکیرہ کے شمالی گاؤں گوہر والا میں بشیر گوندل کی ادبی تنظیم تھل سرائیکی چانناں کے زیرِ اہتمام۔ 5 ستمبر 2024ء کو گوہر والا میں ایک نشست منعقد ہوئی جس میں عصمت گرمانی ، کاظم حسین کاظم اور مقامی شعرا نے شرکت کی اسی تنظیم کا سالانہ مشاعرہ 5/6 اکتوبر 2024ء کی درمیانی شب تیمور چوک گوہر والا میں منعقد ہوا ۔

بزمِ اوجِ ادب یہ ادبی تنظیم منکیرہ شہر میں ہے ۔ اس کے بانی و چیئرمین مقبول ذکی مقبول ہیں ۔ گزشتہ سال کی طرح ماشاءاللہ سال 2024ء میں بزمِ اوجِ ادب نے اچھی خاصی کارگردی دکھائی ہے ۔ مرحوم شعراء کی یاد میں تعزیتی اجلاس 2024ء ایک علی شاہ (مرحوم) 16 جون 2024ء کو ہوا دوسرا شاہنواز ارشد (مرحوم) 22 اگست 2024ء کو ہوا مرحومین کے لیے قرآن خوانی کی گئی بلندیِ درجات کے لئے دعائیں کی گئیں اور شعراء نے خراجِ تحسین پیش کیا ۔ جون 2024ء کو نعتیہ نشست ہوئی گرد و نواح اور مقامی شعرا نے شرکت کی بزمِ اوجِ ادب نے ایک اسناد تقریب جھنگ سٹی میں منعقد کرائی 17 نومبر 2024ء کو ایک نعتیہ نشست 30 نومبر 2024ء کو منعقد ہوئی جس میں بہاولپور اور روہی سے شعراء کرام تشریف لائے اور منکیرہ کے مقامی شعرا نے شرکت کی 8 دسمبر 2024ء کو بزمِ اوجِ ادب نے 9 شعراء کرام کو انوارِ اہلبیت علیہ السّلام ایوارڈ پیش کیا ۔ بزمِ اوجِ ادب کے زیرِ اہتمام تین کتابیں بھی شائع ہو چکی ہیں ۔
راقم الحروف شاعری اور مضامین مقامی ملکی رسائل و جرائد و اخبارات میں گزشتہ سال کی طرح 2024ء میں بھی شائع ہوتے رہے ہیں ۔

انیل چوہان منڈی ٹاؤن بھکر میں رہائش پذیر ہیں ۔ ان کا اُردو غزلیات و نظمیات پر مشتمل مجموعہ ٫٫ زندگی نامہ ،، کے نام سے دسمبر 2024ء میں منصہء شہود پر آچکا ہے ۔

اردو اور سرائیکی شاعر جاوید دانش بھکر کی بستی اکبر آباد نشیب میں مقیم ہیں ۔ ان کی رثائی نظمیں پر مشتمل مجموعہ پلکوں پہ دیپ 2024ء کو لکھنؤ سے شائع ہوا ۔

قمر بخاری کا تعلق جھوک ٹبہ بھکر نشیب کے رہائشی ہیں ۔ان کا سرائیکی غزلیات پر مشتمل مجموعہ ٫٫ گنگے لوک ،، 2024ء شائع ہوا ۔

تحصیل دریا خان کے بستی چاہ اسراں والا چک نمبر TDA 18 میں رہائش پذیر
ملک نعمان حیدر حامی ان کا افسانوی مجموعہ ٫٫ اے محبت مجھے معاف کر ،، 2024ء کو منصہء شہود آیا ہے ۔

تحصیل کلورکوٹ کے گاؤں غلاماں کے رہائشی عبد المجید آصف لودھرا کے 2024ء میں دو سرائیکی شاعری مجموعے شائع ہو چکے ہیں ۔ ایک نام ہے ٫٫ دھاڑیں ،، اور دوسرے نام ٫٫ ہکَل ،،

محمد اقبال بالم کا تعلق منکیرہ شہر سے ہے ۔ ان کے 2024ء میں دو شاعری مجموعے شائع ہوئے ہیں ایک ٫٫ گُدڑیاں ،، اور دوسرا ٫٫ ہیں آنکھیں نم اُسے کہنا ،،

مقبول ذکی مقبول کا تعلق منکیرہ شہر سے ہے ۔ 2024ء کو دو شعری مجموعے اور ایک نثر کی کتاب شائع ہو چکی ہے ۔ جن کے نام یہ ہیں ٫٫ یہ میرا بھکر ،، ٫٫اندازِ بیاں دیکھ ،، اور ٫٫ شذراتِ مقبول ،،

2024ء میں جو شعراء ہم سے بچھڑ گئے ہیں ۔
ان میں عاصم تنہا ( 5جنوری 2024ء) چاندنی چوک ،
جمشید اقبال جمشید (4 اگست 2024ء) بھکر سیٹی ،
سجاد ظفر کلیم (7 ستمبر 2024ء) دُلے والا

مجموعی طور پر یہ سال گذشتہ سالوں کے مقابلے میں ادبی لحاظ سے سرد رہا ۔سرگرمیاں ماند رہیں ۔ شاید مالی مشکلات غالب رہیں ۔