چھِلاں آلے پھَس گئے

آٹا مہنگا، بجلی، گیس، سبزی ہبا کج ای مہنگا ہوگیا اے سُنڑا اے کیں اَسّاں نے نائیں تے قرضہ گِھن کے کھادا تے وَت نس گئے۔ سچے نسڑیں تو یاد آیا ہک واری انج ہویا ہکی گراں دو بھرا رہنے ہئے تے بہوں وَڈے کَن کُترے ایڈے تِیرے ہئے بئی گِرائیں نے خان نی پَٹیِاں چوں کھکھڑیاں چھُپا چھُپا آپ کھانے ہئے تے چھِلاں کدی ہکی گھرے اگے کدی دُوے اگے۔ خان ہوراں کیں آکھا؛ خان جی ! تُڈی کھکھڑیاں پئی چوری ہونیاں-ن ادھی پَٹی گھِن گئے نے۔ خان آں ڈاڈھی کوڑ چڑھی نوکراں نال گِھن کے نکلا گرائیں-چ۔ پَینیاں پَٹ اِی گودڑ کُبہارے نے گھرے اگے جے تکیِاں-س ناں چھِلاں تے نوکراں آکھاس “ نپ آنڑوں او اِس گودڑ آں ، یا پیسے دیسی یا وَت مینڈی پَٹیاں چ کم کَرسی “۔ گودڑ شوہدے بہوُں زاریاں کِیتیاں باقی گِرائیں آلیاں بی سمجھایا، بئی خان جی ! جِنہاں کَھکھڑیاں کھادیاں ہَیاں اُن گئے نے نس ای شوہدا چِھلاں توں پھس گیا نے۔ برَے خان کیں نی نہ سُنڑی تے گودڑ ہنڑ بی خان نا ہل پیا واہنا اے۔ اُس ویلے توں ای مثل مشہور ہوگئی جنڑے کَھکھڑیاں آلے نس گئے تے چھِلاں آلے پھس گئے۔

تے گل ایجوں وے سنگیوں خان ہوراں دسو آ اَسی بی چھِلاں آلے آں نے ، کھکھڑیاں آلے گئے نے نس۔ اس واسے مہربانی کرو اساں غریباں تے کُج رحم چا کرو۔ ہاؤ

آغابخاری کیمبلپوری بقلم خود

اج مورخہ مگھرے نی 24 تریخ

آغا جہانگیر بخاری

بانی مدیر و چیف ایگزیکیٹو

Next Post

سیرت نہ ہو تو عارض و رُخسار سب غلط

منگل دسمبر 8 , 2020
عمل افراد اور قوموں کے اندر جوش اور ولولہ , آگے بڑھنے کا جذبہ اور لگن پیدا کرتا ہے , رواں دواں پانی تازہ رہتا ہے , ساکن پانی میں بدبو پیدا ہو جاتی ہے
نوائے مونس