عاشقاں واسے پوہ نا مہینہ اوکھا اے

اَتھرو پِینا تے وَت جِینا اوکھا اے

عاشقاں واسے پوہ نا مہینہ اوکھا اے

اگلی واری سوچساں مِلنے گِلنے نی

اِس واری تے عید ورِہینا اوکھا اے

گَل اے سنگیو گزرے ہوے کیں ویلے نی

ہُن تاں اُس نا، ناں بی گِھینا اوکھا اے

پُھلاں واسے کج تاں کرنا پینا اے

جندڑی کَنڈیاں نال سلینا اوکھا اے

انجمؔ اوکھا سچی گل تے اَڑ وینا

زہر پیالہ ہس کے پینا اوکھا اے

ثقلین انجمؔ

(سیّد ثقلین انجمؔ ، اٹک نے پہلے تے نویکلے پنجابی مجلے نے بانی اتے مدیر اعلی)

سونیا بخاری