خراش – Scratch
صفدر علی حیدری
"گاڑی لے کر تو جا رہے ہو نا؟
مگر دھیان سے چلانا… کہیں کوئی خراش نہ آ جائے۔
بابا نے مجھے یہ گاڑی میرے استعمال کے لیے دی تھی۔
اور آج میں تمھیں صرف اس لیے دے رہی ہوں
کہ تمھاری پھٹپھٹی خراب ہے
اور تمھیں آفس سے دیر ہو رہی ہے۔
یاد رکھنا—
جاتے جیسے ہو، ویسے ہی واپس لانا۔
بغیر کسی خراش کے۔”
میں گاڑی لے کر دفتر چلا گیا۔
جتنی احتیاط ہو سکتی تھی، میں نے کی۔
آفس میں سارا وقت یہی خیال رہا
کہ گاڑی بڑی احتیاط سے چلانی ہے۔
واپس لوٹا تو بھی یہی خوف تھا
کہ کہیں کوئی خراش نہ آ جائے۔
گھر پہنچ کر دیکھا—
گاڑی پر واقعی کوئی خراش نہ تھی۔
ہاں، مگر دل پر
کئی خراشیں پڑ چکی تھیں۔
میرا نام صفدر علی حیدری ہے ۔ پیدائش علی پور ضلع مظفر گڑھ کی ہے لیکن پلا بڑھا اوچ شریف میں ہوں اور رہائش بھی اسی شہر میں ہے ۔ایم فل اردو ہوں ایک استاد ہوں اور پچھلے تیس سال سے پڑھا رہا ہوں ۔ لکھنے کا آغاز بچپن سے کیا ۔ کالم نگاری بھی کی نامہ نگاری بھی ،پھر افسانہ نگاری اور افسانچہ نگاری کی طرف متوجہ ہوا ۔اب تک میری بارہ کتب شائع ہو چکی ہیں پچیس کتب زیر طبع ہیں شائع شدہ کتب کی تفصیل حسب ذیل ہے میری ایک کتاب کالمز پر ہے ” شہر خواب ” ایک ناول ہے ” عمران بٹہ عمران ” چار کتابیں ادب اطفال پر ہیں ” گھڑی کی ٹک ٹک ” ” ایک پہیے کی سائیکل” ” کمزور چوزا ” ” منٹو میاں ” چار افسانوں پر ہیں "مٹھی میں کائنات” ” ناقابل اشاعت ” ” من و سلویٰ ” ” الف سے یے تک ” ایک افسانچوں پر ہے ” ایک صفحے کے افسانچے ” میری تمام کتابوں پر ایم فل ، ایم اے اور بی ایس کی سطح پر کام ہو چکا ہے
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
کیا آپ بھی لکھاری ہیں؟اپنی تحریریں ہمیں بھیجیں، ہم نئے لکھنے والوں کی حوصلہ افزائی کرتے ہیں۔iattockmag@gmail.com |
