بے سر کا انسان
صفدر علی حیدری
"ارے یہ تو واقعی پریشانی کی بات ہے، آپ کی بچی ہے، بہت حساس۔ جسے جھوٹ بولتا دیکھتی ہے یا کوئی برائی اس میں پاتی ہے تو اس آدمی کا سر غائب ہو جاتا ہے۔ مجھے آج تک ایسا کوئی کیس نہیں ملا، بات تھوڑی پیچیدہ ہے اور اس نے مجھے بھی چکرا کر رکھ دیا ہے۔
مگر آپ پریشان نہ ہوں، اس کو کوئی نہ کوئی حل میں ضرور ڈھونڈ نکالوں گا۔ الحمدللہ، میرا کوئی مریض آج تک مجھ سے مایوس ہو کر نہیں گیا، سب کے سب صحت یاب ہو کے جاتے ہیں۔”
"امی۔۔۔ امی۔۔۔”
"کیا ہوا؟”
"وہ دیکھیں۔۔۔ ڈاکٹر صاحب کا سر غائب ہو گیا ہے۔”
میرا نام صفدر علی حیدری ہے ۔ پیدائش علی پور ضلع مظفر گڑھ کی ہے لیکن پلا بڑھا اوچ شریف میں ہوں اور رہائش بھی اسی شہر میں ہے ۔ایم فل اردو ہوں ایک استاد ہوں اور پچھلے تیس سال سے پڑھا رہا ہوں ۔ لکھنے کا آغاز بچپن سے کیا ۔ کالم نگاری بھی کی نامہ نگاری بھی ،پھر افسانہ نگاری اور افسانچہ نگاری کی طرف متوجہ ہوا ۔اب تک میری بارہ کتب شائع ہو چکی ہیں پچیس کتب زیر طبع ہیں شائع شدہ کتب کی تفصیل حسب ذیل ہے میری ایک کتاب کالمز پر ہے ” شہر خواب ” ایک ناول ہے ” عمران بٹہ عمران ” چار کتابیں ادب اطفال پر ہیں ” گھڑی کی ٹک ٹک ” ” ایک پہیے کی سائیکل” ” کمزور چوزا ” ” منٹو میاں ” چار افسانوں پر ہیں "مٹھی میں کائنات” ” ناقابل اشاعت ” ” من و سلویٰ ” ” الف سے یے تک ” ایک افسانچوں پر ہے ” ایک صفحے کے افسانچے ” میری تمام کتابوں پر ایم فل ، ایم اے اور بی ایس کی سطح پر کام ہو چکا ہے
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
کیا آپ بھی لکھاری ہیں؟اپنی تحریریں ہمیں بھیجیں، ہم نئے لکھنے والوں کی حوصلہ افزائی کرتے ہیں۔iattockmag@gmail.com |
