یہ کوئل جہاں کو بتانے لگی
حسنؑ آ گئے مسکرانے لگی
سنا جب فضاوں میں بلبل کا غُل
تو مینا بھی نغمہ سنانے لگی
مبارک ہو سب کو حسنؑ آگئے
فضاوں میں خوشبو سی چھانے لگی
درودوں سلاموں کی نوری صدا
نبیؐ کے گھرانے میں جانے لگی
نبیؐ نے مبارک، لبوں سے کہا
بریں فاطمہ ؑ مسکرانے لگی
گلابوں نے خوشبو کو عنبر کیا
تو رونق فضاوں میں چھانے لگی
تصور میں “بخّن” علیؑ کو کہا
تو فرحت مرے دل میں آنے لگی
خبر دینے جبریل ارم میں گئے
تو نغمے ہراک حور گانے لگی
زمیں پر مسرت سے قائم ضیا
قمر کی طرح جگمگانے لگی
سید حبدار قائم آف غریب وال
