وسیب دا لعل ، مقبول شاعر

شاعر  :  ہمراز اُوچوی سیال ، بہاولپور 

شاعر اتے ادیبِ مقبول حسین ذکی

مولائی، خوش نصیبِ مقبول حسین ذکی

مقبول حسین ذکی شاعر ایہہ با کمالِ

شعر و ادب سرائیکی وسبے دا پیارا لالِ 

صاحبِ کتاب شاعر، مِٹھے بولیندا بولے

جئیں ویلے بول بولے، ڈیندا ایہہ رس گھولے

نعتِ رسولِ اکرم، یا حمدِ باری تعالیٰ

لکھدے جڈاں مناقب، ہوندے کلام اعلیٰ

ہجر و وصال لکھدے، اج کل دا حال لکھدے

غزلاں اتے مسدس، نظماں کمال لکھدے

مقبول ہے سرائیکی ، مقبول حسین ذکی

دل دا ہے صاف انساں، ملدا ہے پا کے گگکی

کافی کتاباں لکھ تے ، ایں نام ہے کمایا

ڈینھ رات کر تے محنت ، ادب کوں ہس پھیلایا

جے تئیں سرائیکی راہسی، ایندا وی نام راہسی

ہر ادبی محفلاں وچ ، روشن مقام راہسی

منکیرہ ضلع بھکر ، مقبول سئیں دا گھر ہے

ایہہ ماݨ ہے سرائیکی، وسیب دا فخر ہے

محبت دا ایہہ نقیبِ، مقبول حسین ذکی

ہمراز دا حبیبِ ، مقبول حسین ذکی

سونیا بخاری