سجدہ

“سجدہ”
تحریر : فضل عباس ظفر ، ڈیرہ غازی خان ،
ویہاند تے کھینڈاند ،ڳنڈھیجݨ ، سویجݨ ، ٻدھیجݨ،دپھیجݨ، بھوڳݨ تے بھڳیجݨ ، چِتھݨ تے چِتھیجݨ ، چٻݨ تے چٻیجݨ ، کِھنڈݨ تے کھنڈیجݨ ، جھئیں لفظیں دا فوٹو بݨݨ توں بچݨ سانگے سوچ سوچ کے ٹردے جو میں اپݨیں ٹرونڄݨ دے بعد وی تے اپݨی زندگی وچ دی سوچا ونڄاں سوچیجݨ وسطے بندہ اپݨیں کم کوں سگُھڑ بݨ کے سوہݨاں کرݨ دی کوشش کریندے ، جو میݙا کم وی چنگاں تھی ونڄے تے میݙا ناں وی نشابر تھی پووے، چنگے کم تے واقعی ناں وی نکلدے تے جہان دی شابھش ویمِلدی ہے، اِیں دڳ دا راہی میݙے مٹھے مٹھے وسیب نسری وانگوں مِٹھا بھرنیڑیں بھوئیں دا بھرݨاں بندہ میݙا ادا سئیں مقبول ذکی مقبول وی اپݨیں کم کوں سمجھ سوچ کے لڳا پئے تے ݙوجہان دی شابش دا مقداربݨ ڳئے، مقبول ذکی مقبول مِک بے لوث محبت کرݨ آلا بندہ سخن وی سوہݨاں سر زمین تے پیر پھبا پھبا کے ٹرݨ آلا شاعر مدحت و محبت دی مٹی وچ ڳُندھیا ہویا ادیب ہے، اے حیدری تے جعفری، ولاتی تے مولائی رمز دا شاعر جیندی کتاب دے ناں توں پتہ لڳدے ، جو اے روحانیت دا پر تو پرنور حوالیں وچ زندگی ودا ڳولیندے، اے کتاب ایندی عقدت دا ہوکا تے ایندی مولائی محبت دا اعلان اے ، کتاب دا انتساب اپݨے ݙاݙے سئیں غلام حسن دے ناں کیتے ، اَٹھ حصیں تے ٹھیہی اے کتاب پہلا حصہ حمدیہ کلام ، ݙوجھا حصہ نعتیہ کلام ، تریجھا حصہ میلاد مبارک ، چوتھا حصہ سلام یا حسینؑ ، پنجواں حصہ منقبت ، چھینواں حصہ مسدس، ستواں حصہ ݙوہڑہ ،اٹھواں حصہ قطعہ تے سجی اَٹھ رنگی کتاب دے آخر اچ دُعا تے بغیر نقطیں دے سلامیں تے مشتمل کمال کلام موجود ہے،مضمون کوں وݙا ناں کروں ، مَیں ہک سلام اپݨے سوہݨے بھرانویں دی نظر کرینداں ، فیصلہ تہاݙے ہتھ اے ، جعفری ، حیدری ، مولائی تے کربلائی ، شاعر دی شاعری کیا
کیا اَلا کے حساس ذہنیں کوں کجھ کرونجݨ تے تیار کریندی اے۔
سلام حضرت زینب سلام اللّٰہ علیہا

علیؑ دی دھی علیؑ بن کے فتح کیتا جہان حق
ہائی توحید دا نعرہ بچایا ہے قرآنِ حق

جیویں عباس (ع) دریا تے اوویں بازار وچ بی بی
ہائی حملہ اوں دشمن دا ڈکھیندی رہی نشان حق

زمانہ ہکا بکا ہائی رہا آواز دا پردہ
علی ؑ والے ہی لہجے وچ کیتا زینب ؑ بیان حق

 فضل عباس ظفر ، ڈیرہ غازی خان ،

سجدہ

فضل عباس ظفر

ڈیرہ غازی خان

سونیا بخاری

Next Post

ضلع تلہ گنگ۔۔۔مختصر داستان

ہفتہ اکتوبر 15 , 2022
تلہ گنگ کو ضلع بنانے کی خواہش بڑے عظیم لوگوں کی تھی 1985ء میں ایئر مارشل نورخان نے اپنے بیچ فیلو جنرل جیلانی سے تلہ گنگ کو ضلع بنانے کا وعدہ لیا
ضلع تلہ گنگ۔۔۔مختصر داستان

مزید دلچسپ تحریریں