پاکستان زلزلہ زدگان افغان بھائیوں کے ساتھ کھڑا ہے :فیصل نیاز ترمذی
دبئی (ایم یوسف بھٹی) متحدہ عرب امارات میں پاکستان کے سفیر فیصل نیاز ترمذی نے افغانستان میں حالیہ زلزلے اور سیلاب کے نتیجے میں ہونے والے شدید جانی و مالی نقصان پر گہرے دکھ اور افسوس کا اظہار کیا ہے۔ انہوں نے اپنے ایک تحریری بیان میں کہا کہ پاکستان اس مشکل گھڑی میں اپنے افغان بھائیوں اور بہنوں کے ساتھ کھڑا ہے، اور متحدہ عرب امارات میں موجود افغان کمیونٹی کے دکھ میں برابر کا شریک ہے۔ انہوں نے کہا کہ پاکستان اور افغانستان میں آنے والے زلزے اور سیلاب کی وجہ سے ہم ایک مشکل وقت سے گزر رہے ہیں۔ پاکستان اور افغانستان دو برادر ہمسایہ ملک ہیں۔
انہوں نے کہا کہ ہم پاکستان اور افغانستان میں جاں بحق ہونے والوں کے اہل خانہ کے ساتھ دلی ہمدردی کا اظہار کرتے ہیں اور زخمیوں کی جلد صحت یابی کے لئے دعاگو ہیں۔ انہوں نے زلزلے اور سیلاب میں شہید ہونے والوں کے بارے میں دعا کرتے ہوئے کہا کہ اللہ پاک لواحقین کو صبر جمیل اور مرحومین کو جنت الفردوس میں اعلیٰ مقام عطا فرمائے۔
میں نے اردو زبان میں ایف سی کالج سے ماسٹر کیا، پاکستان میں 90 کی دہائی تک روزنامہ "خبریں: اور "نوائے وقت” میں فری لانس کالم لکھتا رہا۔ 1998 میں جب انگلینڈ گیا تو روزنامہ "اوصاف” میں سب ایڈیٹر تھا۔
روزنامہ "جنگ”، لندن ایڈیشن میں بھی لکھتا رہا، میری انگریزی زبان میں لندن سے موٹیویشنل اور فلاسفیکل مضامین کی ایک کتاب شائع ہوئی جس کی ہاؤس آف پارلیمنٹ، لندن میں 2001 میں افتتاحی تقریب ہوئی جس کی صدارت ایم پی چوہدری محمد سرور نے کی اور مہمان خصوصی پاکستان کی سفیر ڈاکٹر ملیحہ لودھی تھی۔
تمام تحریریں لکھاریوں کی ذاتی آراء ہیں۔ ایڈیٹر / مالک ای میگزین/ ویب سائٹ کا ان سے متفق ہونا ضروری نہیں