معروف شاعر و مصنّف مقبول ذکی مقبول دے نویں ( بھکر  )

شاعر  : عبد المجید آصف لودھرا ، غلاماں ( بھکر )

ہر پاسے ڈھیر لکھاری ہن ، ہرہک دی فکر جدا اے

کوئی اپڑیں ڈکھ غم لکھدا ہے ، کیہندی سوچ تے فکر سوا اے

انجیں آر دا ہک مقبول ذکی ، جیں تے ربّ دی خاص عطا اے

کدی آل نبی دی شان لکھے ، کدی لکھدا شان خدا اے

لفظاں کوں چونڑ ٹھہاونڑ دا ، بھلا کڈنڑ کوئی سانوں ول آندائے

عقیدت دے مقبول ذکی ، جیویں لفظاں کوں پا جھل آندائے

کدی لکھدائے نعت نبی سئیں دی ، کدی بنڑ کے عجز مثل آندائے

کتھے کیہڑا لفظ ٹھہاونڑاں ہے  ، رج ذکی کوں ول ڈھل آندائے

ہر کیہندی سوچ دا رنگ وکھرا ، وکھو وکھ ہر دی تحریر اے

کوئی قیس دے قصے لکھدا ہے ، کوئی لکھدا وارث ہیر اے

ہر دا آصف انداز آپڑاں ، ہوندے لفظ تاں نئیں جاگیر اے

مقبول ذکی جو لکھدا ہے ، او لفظ ہوندے اکثیر اے

سونیا بخاری