میکوں ہر خواب وچ ہک مدینہ ڈِسے

میکوں ہر خواب وچ ہک مدینہ ڈِسے
اٹھیں بیٹھیں فقط ہک خزینہ ڈِسے

ماہ رمضان ، شعبان ، ذیشاں رجب
ودھ ربیع الاوّل دا مہینہ ڈِسے

چاوے مُندری جو تخت سلیمان کوں
وچ نبی مصطفیٰؐ دا نگینہ ڈِسے

سیرتِ مصطفیٰؐ میکوں بھلدی نئیں
نال راہب دے خالص قرینہ ڈِسے

بولے پتھر نبی دی صداقت دے وچ
منہ تے باطل دے یکدم پسینہ ڈِسے

خاص ابوذرؓ بلالؓ و سلیمانؓ دا
سئیں دی الفت دے وچ پکا سینہ ڈِسے

ؐکشی نوحؑ دی ڈتی ہے مثال اے نبی
آل احمدؐ دا سچا سفینہ ڈِسے

کِھنڈی خوشبو پئی ساری کوچہ نگر
نعت مقبولؔ دی مہ جبینہ ڈِسے

Maqbool
میکوں ہر خواب وچ ہک مدینہ ڈِسے

مقبول ذکی مقبولؔ

بھکر،پنجاب،پاکستان

مقبول ذکی مقبول

Next Post

میلاد مصطفےٰؐ کانفرنس وساتویں میلاد ریلی

جمعہ اکتوبر 7 , 2022
عظیم الشان37ویں ”سالانہ میلاد مصطفےٰؐ کانفرنس“اورساتویں ”سالانہ میلاد ریلی“ اختتام پذیر
میلاد مصطفےٰؐ کانفرنس وساتویں میلاد ریلی