میلاد مصطفےٰؐ کانفرنس وساتویں میلاد ریلی

عظیم الشان37ویں سالانہ میلاد مصطفےٰؐ کانفرنس“اورساتویں ”سالانہ میلاد ریلی“ اختتام پذیر
میلاد مصطفیؐ اور اتباع مصطفیؐ لازم و ملزوم ہیں،پیر سعادت علی شاہ
میلادمصطفیؐ منانے کے ساتھ پیغام مصطفیؐ کو بھی اپنایا جائے،علامہ رفاقت حقانی

اٹک( ڈاکٹر شجاع اختر اعوان)جشن عید میلاد النبی کے سلسلے میں مرکز اسلام جامعہ حقانیہ ظاہرالعلوم رجسٹرڈ اٹک کینٹ کے زیر اہتمام عظیم الشان،فقید المثال 37ویں ”سالانہ میلاد مصطفےٰ کانفرنس“ اور ساتویں سالانہ میلاد ریلی مرکز ی جامع مسجد خوشبوئے مدینہ المعروف حقانیہ مسجد و مدرسہ اعوان آبادصدر بازار اٹک کینٹ میں بفیضان نظر خواجہ پیر حافظ عبدالحق آستانہ عالیہ بحرالحق شریف (دریا شریف)،زیر سرپرستی الحاج اعظم خان چشتی اورزیرصدارت علامہ ابوطیب رفاقت علی حقانی بانی و مہتمم جامعہ ھذاشان و شوکت کے ساتھ اختتام پزیر ہوگئی،مہمان خصوصی یادگار اسلاف سیاح الحرمین الحاج قاری ضیاء الدین مدنی عباسی تھے، کانفرنس سے قبل ساتویں سالانہ میلاد ریلی نکالی گئی جو محلہ اعوان آباد کا روایتی روٹ مکمل کر کے واپس جامعہ میں اختتام پزیرہوئی اور کانفرنس کا آغاز ہوگیا،نقابت کے فرائض شہنشاہ نقابت حافظ اسامہ نقشبندی جہلم نے سرانجام دئے جبکہ صاحبزادہ انجینئر محمد طیب میلادی گولڈمیڈلسٹ ناظم سٹیج تھے، تلاوت قاری علامہ محمد اشفاق اویسی، قاری عصمت اللہ اویسی،نعت شریف سید بلال حسین شاہ QTV، ڈاکٹر صاحبزادہ محمد شعبان حقانی،حافظ محمد عارف راولپنڈی، محمد فیضان ناوہ، انجمن چمنستان رسالت کے ثنا خوانان حضرات، محمد احسن محمود حقانی، شفقت محمود و دیگر نے پیش کی،کانفرنس سے علامہ نذیر احمد قادری، علامہ سعید احمد قادری سمیت جید علماء کرام نے خطاب کیاجبکہ خصوصی خطاب کرتے ہوئے آستانہ عالیہ چورہ شریف کے سجادہ نشین پیر سید سعادت علی شاہ گیلانی چیئرمین علماء ومشائخ کونسل پاکستان نے کہاکہ میلاد مصطفی اور اتباع مصطفی لازم و ملزوم ہیں،میلاد والے آقا کو ماننے کے ساتھ ساتھ آقا علیہ السلام کی تعلیمات پر عمل پیرا ہونے میں ہی کامیابی ہے،،نماز مصطفی کریم کی آنکھوں کی ٹھنڈک ہے،کسی حال میں نہ چھوڑی جائے، اس پرفتن دور میں مدارس و علماء سے محبت اور مضبوط تعلق رکھنے میں ہی بقاء ہے.

میلاد مصطفےٰؐ کانفرنس وساتویں میلاد ریلی

بانی و مہتمم جامعہ ھذا علامہ ابوطیب رفاقت علی حقانی نے خطبہ صدارت میں کہا کہ ضرورت اس امر کی ہے کہ میلادمصطفی منانے کے ساتھ پیغام مصطفی کو بھی اپنایا جائے،کانفرنس میں علامہ نیاز حسین اعوان، مرکزی سیرت کمیٹی اٹک کے نگران اعلیٰ الحاج محمد الیاس چشتی،ندیم رضا خان، قیوم بٹ،ملک حافظ عاقب جاوید آف ہمک،ارشد حسن سنی فورس شکردرہ، فیصل محمود ساگر،شہزاد احمد چشتی، عمر ارشد ایڈووکیٹ، غلام امجد عطاری اسد سویٹس،حاجی صبغۃ اللہ بابر،سید انورحسین شاہ حضرو،حاجی غلام رؤف منظور نظر دریا شریف، ملک عبدالعزیز ایڈووکیٹ، حاجی محمد فاضل چشتی، محمد آفتاب منظور نظر پیر صاحب بلاوڑہ شریف، حاجی گلاب حسین خلیفہ سالک آباد شریف،ہیڈ ماسٹر صوفی رمضان معصومی خلیفہ موہری شریف،علامہ عبدالغنی نقشبندی، چوہدری حکیم خالد محمود، ٹھیکیدار شیخ ظہور احمد، حاجی عبدالواحد شاہ،مولانا عبدالقیوم نقشبندی کے علاوہ کثیر تعداد میں علماء کرام، مختلف دینی جماعتوں کے قائدین، مشائخ عظام، اسکالر،دانشور، وکلاء،صحافی، ڈاکٹرز،معززین علاقہ اورمختلف شعبہ ہائے زندگی سے تعلق رکھنے والے عشاقان مصطفی نے قافلہ در قافلہ بھر پور شرکت کی، جس سے مسجد کا ہال، مدرسہ،بیسمنٹ، خواتین نیو ایکاڈیمک بلاک سمیت تینوں منزلیں،فرنٹ گراؤنڈ عوام اہلسنت سے بھر گئیں اور ہوائیں درودوسلام کی صداؤں سے معطر ہوگئیں، آخر میں ملک وملت کی سلامتی،خوشحالی وترقی اور افواج پاکستان و عوام پاکستان اور ڈاکٹر قاری محمد یاسراعوان قادری کے کمسن بیٹے کی وفات پرصبر جمیل و نعم البدل کے لیے خصوصی دعاکی گئی او رشرکاء کی تواضع کابلی پلاؤ کی صورت میں پُرتکلف وسیع لنگر سے کی گئی

shuja awan

ڈاکٹر شجاع اختر اعوان

ڈاکٹر شجاع اختر اعوان

Next Post

زندگی کا اک باب ہوا تمام

جمعہ اکتوبر 7 , 2022
ٹیکنالوجی زندگی کے دیگر شعبوں کے لیے ہی آسانیاں نہیں لائی، بلکہ اس نے محبتوں کو بھی بہت آسان کردیا ہے
زندگی کا اک باب ہوا تمام