آغوش الخدمت اٹک کا اعزاز

اٹک ( ڈاکٹر شجاع اختر اعوان )الخدمت فاؤنڈیشن پاکستان کے ادارہ آغوش الخدمت اٹک کے ہونہار فرزند حماد خلیل گولڈ میڈلسٹ ولد محمد خلیل مرحوم نے خیبر میڈیکل کالج پشاور سے ایم بی بی ایس فائنل امتحان میں پہلی پوزیشن حاصل کرکے شاندار کامیابی حاصل کرلی تفصیلات کے مطابق حماد خلیل گولڈ میڈلسٹ کو ان کے والد مرحوم محمد خلیل 2007 میں اس وقت داغ مفارقت دے گئے جاؤ یہ صرف 9 سال کے تھے حماد خلیل آزاد کشمیر کے علاقہ ضلع باغ تحصیل دھیر کوٹ کے گاؤں ڈھک کے رہائشی ہیں غربت نامساعد حالات اور تعلیمی فقدان کے پیش نظر 2009 میں جماعت اسلامی الخدمت فاؤنڈیشن کے ادارہ آغوش الخدمت اٹک میں داخلہ لیا اور حرا ماڈل ہائی سکول اٹک کی کلاس ہشتم میں تعلیم شروع کی میٹرک اور انٹرمیڈیٹ کے امتحانات میں نمایاں پوزیشن حاصل کرکے سکالر شپ پر خیبر میڈیکل کالج پشاور میں داخلہ لیا جہاں دوران تعلیم مسلسل نمایاں پوزیشن حاصل کرنے پر ادارہ المصطفی ٹرسٹ پشاور نے آپ کو گولڈ میڈل سے نوازا۔

hammad

آپ نے اپنی تعلیم میں مزید دلچسپی اور لگن کا مظاہرہ جاری رکھا اور اس طرح بالآخر آپ نے ایم بی بی ایس کے فائنل امتحان میں پہلی پوزیشن حاصل کر لی اور اپنی والدہ محترمہ بیوہ محمد خلیل مرحوم کو بہترین خوشخبری سنا کر ان کا دل باغ باغ کر دیا نیز حماد خلیل نے ڈاکٹریٹ کی اعزازی ڈگری نمایاں پوزیشن کے ساتھ حاصل کر کے آغوش الخدمت اٹک کا سر فخر سے بلند کردیا آغوش الخدمت کو اپنے ابھرتے ہوئے ستاروں پر فخر ہے جو ملک و قوم اور دکھی انسانیت کی خدمت کا فریضہ سرانجام دیتے رہیں گے

shuja awan

ڈاکٹر شجاع اختر اعوان

ڈاکٹر شجاع اختر اعوان

Next Post

حیدر قریشی کی اَفسانہ نگاری

جمعرات جنوری 6 , 2022
حیدر قریشی کا اوّل و آخر سبق سچ کو تلا ش کر کے اسے قربت کرکے زندگی کو زندہ کرنے بلکہ زندہ رکھنے کا ہے
Haidar Qureshi