معروف شاعر و مصنّف مقبول ذکی مقبول کی لیّہ آمد
ممتاز ادبی و صحافتی شخصیات سے ملاقاتیں
لیّہ ( نامہ نگار ) معروف شاعر ، مصنّف اور ادیب مقبول ذکی مقبول نے ضلع لیّہ کا خصوصی دو رہ کیا ۔ اس موقع پر ان کی ملاقات شہر کی ممتاز ادبی و صحافتی شخصیات سے ہوئی ، جس میں تخلیق ، تحقیق اور ادب کے فروغ پر سیر حاصل گفتگو کی گئی ۔
ادبی نشست میں شہر کی معروف ادبی شخصیات پروفیسر ڈاکٹر گل عباس اعوان ، امان اللہ کاظم ، شمشاد حسین سرائی ، صابر جاذب ، قنمبر نقوی ، تنویر نجف ، امداد حسین سرائی کے ساتھ ساتھ معروف شاعر نجیب چوہدری بھی شریک ہوئے ، جن کا مزاحمتی اور روح پرور شعر آج بھی اہلِ قلم کی پہچان بن چکا ہے :
"میں جھکا نہیں ، میں بکا نہیں
میں چھپ چھپا کر چھپا نہیں
جو ڈٹے ہوئے ہیں محاذ پر
مجھے ان صفوں میں تلاش کر”
مقبول ذکی مقبول نے اس نشست میں خیالات کا اظہار کرتے ہوئے کہا کہ لیہ کا ادبی منظرنامہ قابلِ تحسین ہے ، جہاں تخلیق، مزاحمت اور زبان و ثقافت سے جُڑے رجحانات نمایاں طور پر موجود ہیں۔
نشست میں سینئر صحافی منیر احمد کھوکھر (چیف بیورو "سنگِ بے آب”) اور ملک اسلم کھوکھر نے بھی شرکت کی اور ادبی و صحافتی ہم آہنگی پر اظہار خیال کیا۔ حاضرین نے اس موقع کو ایک نادر علمی و فکری لمحہ قرار دیا جو ادب کے فروغ میں سنگِ میل ثابت ہو گا۔
مقامی ادبی حلقوں نے مقبول ذکی مقبول کی آمد کو ایک خوش آئند قدم قرار دیا اور توقع ظاہر کی کہ اس قسم کی ملاقاتیں ادبی فضا کو مزید تقویت دیں گی۔
About the Author
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
کیا آپ بھی لکھاری ہیں؟اپنی تحریریں ہمیں بھیجیں، ہم نئے لکھنے والوں کی حوصلہ افزائی کرتے ہیں۔ |
