مقبول ذکی مقبول کو ادبی خدمات کے اعتراف میں گولڈ میڈل سے نوازا گیا
بھکر ( نمائندہ خصوصی) المصطفیٰ فاؤنڈیشن کے زیرِ اہتمام ضلع کچہری قائد اعظم ہال فیصل آباد میں خوبصورت تقریب کا انعقاد کیا گیا جس میں ملک بھر سے شعراء شاعرات نے شرکت کی۔اس تقریب میں شعراء اور ادیبوں کو گولڈ میڈل ، ایوارڈ اور اسناد سے نوازا گیا ۔ جن میں مقبول ذکی مقبول ( بھکر ) ڈاکٹر ہارون الرشید تبسم (سرگودھا) ڈاکٹر ماجد مشرقی (گجرانوالہ) علی محمد خاکی (میانوالی) ارشاد ڈیروی ( ڈیرہ غازی خان) معظمہ نقوی اور دیگر جن کی تعداد 40 کے قریب تھی محمد یعقوب فردوسی نے اپنے خطاب میں کہا جن قلم کاروں کو میں نے گولڈ میڈل دیئے ہیں ان کی ادبی خدمات عروج پر ہیں ۔
مزید انہوں نے کہا میں اپنی کتاب شائع کرنے پر 75 لاکھ لگا سکتا ہوں تو گولڈ میڈل دینے میرے لئے کوئی مشکل نہیں اور وعدہ کرتا ہوں آپ سب کو نئے سال میں گولڈ میڈل دوں گا ۔ پروگرام کے بعد شرکاء کو کھانا پیش کیا گیا اور ملکِ پاکستان کی سلامتی کے لیے دعا کی گئی ۔ بلاشبہ یہ ادیبوں کی بہت بڑی عزت افزائی اور حوصلہ افزائی ہے ۔ ایسے پروگرام سرکاری سطح پر ہونے کی اشد ضرورت ہے
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
