(بھکر نمائیدہ خصوصی)
قلم قبیلہ بھکر کے زیر ِ اہتمام منکیرہ میں مقبول ذکی مقبول کے ہاں معروف شاعر اور متحرک صحافی شاہ نواز ارشد (دلے والہ) کے انتقالِ پر ملال پر تعزیتی نشست کا اہتمام کیا گیا۔جس میں مرحوم کی مغفرت اور بلندی ء درجات کے لیے فاتحہ خوانی کی گئی ۔ مرحوم شاہ نواز ارشد کی زندگی کے حالات و واقعات زیر ِ بحث رہے ۔
ان کی صحافتی خدمات کا اعتراف کیا گیا ۔چئیرمین قلم قبیلہ” مقبول ذکی مقبول” نے ان کی ادبی خدمات کے حوالے سے ان کے شعری مجموعہ “مجھے گھر اچھا نہیں لگتا “اور دوسری کتاب سابقہ ایم پی اے نجیب اللہ خان نیازی مرحوم کی شخصیت کے حوالے سے “ایک شخصیت ایک کارواں ” کا تذکرہ کیا اور ان کی خدمات کو سراہتے ہوۓ خراج تحسین پیش کیا ۔
اور بشرط زندگی ہر سال ان کی برسی کے موقعہ پر ان کے حوالے سے ادبی تقریب اور سالانہ نعتیہ مشاعرہ کرانے کا بھی اعلان کیا۔ جسے اہالیان علاقہ نے خوب سراہا۔
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
