منکیرہ بھکر میں جشن میلاد النبی ﷺ
منکیرہ بھکر میں جشن میلاد النبی ﷺ و محفل سیرت و نعت
منکیرہ / میں گزشتہ رات میلاد النبی ﷺ منایا گیا
منکیرہ (نمائندہ خصوصی) عاشقانِ رسول ﷺ نے جشنِ ولادت باسعادت عقیدت و احترام سے منایا معروف مقررین نے خطاب کیا ذاکر بشر حسین سالک ، مولانا زوار مختار حسین طاری ، شاہد عارف ، مقبول ذکی مقبول اور دیگر نے خطاب کیا اس پر مسرت موقع پر سب کے چہرے کھلے ہوئے تھے ذاکر بشر حسین سالک ،( جھنگ ) نے نعت خوانی کی مدرسہ دارالقرآن امام جعفر صادق علیہ السّلام کے پرنسپل مولانا زوار مختار حسین طاری نے رسول پاک صلی اللّٰہ علیہ وآلہ وسلّم کی حیاتِ مبارکہ پر روشنی ڈالی ذاکر شاہد عارف ، (جھنگ )نے معروف نعتیں خوبصورت ترنم کے ساتھ پیش کیں۔ معروف شاعر و ادیب اور بزمِ اوجِ ادب بھکر کے بانی و چیئرمین مقبول ذکی مقبول نے نبی پاک صلی اللّٰہ علیہ وآلہ وسلّم کی ولادت باسعادت کے حوالے سے شاندار نظم پیش کی جس میں علمی و ادبی مضامین کے ساتھ ساتھ فلسفہ بھی پایا گیا حاضرینِ محفل نے خوب سراہا اور دیگر مقررین نے بھرپور انداز میں رسول پاک صلی اللّٰہ علیہ وآلہ وسلّم اور امام جعفر صادق علیہ السّلام کی حیاتِ مبارکہ میں اظہارِ محبت بیان کیا۔
یہ محفل امام بارگاہ قمرِ بنی ہاشم (تھلہ امام حسین علیہ السّلام) نزد نیشنل بنک منکیرہ منعقد ہوئی ۔میلاد النبی صلی اللّٰہ علیہ وآلہ وسلّم اور امام جعفر صادق علیہ السّلام جوش و خروش سے منایا گیا اہلِ علاقہ نے بھرپور شرکت کی زیرِ اہتمام میلاد کمیٹی محبانِ اہلِ بیت علیہ السّلام کا یہ سالانہ میلاد مبارک بڑی شان و شوکت کے ساتھ اپنے وقت پر ختم ہوا میلاد کمیٹی کے نوجوانوں نے آخر میں مٹھائی تقسیم کی اس روحانی و خوب صورت محفل منعقد کرنے پر مبارک باد کے مستحق ہیں
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
