برگ نعت اور مدح شاہ زمن

امسال رمضان المبارک میں ضلع اٹک میں سے دو نعتیہ مجموعوں کی اشاعت ہوئی. ڈاکٹر نذر عابد صاحب کا “برگ نعت” اور سید حبدار قائم کا “مدح شاہ زمن” اواخر الذکر پیش نظر ہے. شاہ صاحب کا شمار ان خوش قسمت شعرا میں ہوتا ہے جنھوں نے رموز شعر سیکھ کر اپنے اسپ خیال کو ادھر ادھر بھٹکنے نہیں دیا بلکہ دربار رسالت کی مدح سرائی میں سرنگوں رکھا. یہی وجہ ہے کہ ان کے ہاں عقیدت ہی عقیدت نظر آتی ہے.

برگ نعت اور مدح شاہ زمن

الفاظ پاکیزہ اور پیراءیہ شستہ, احترام مصرعوں سے ٹپکتا ہوا اور عشق شعروں میں موجیں مارتا دکھائی دیتا ہے. حضور نبی اکرم ﷺ کے لیے “تم” , “تمھارے” یا اس قبیل کے بجائے “آپ” ,”ان” کا صیغہ استعمال کیا گیا ہے. اس سے قبل اٹک کے بزرگ شاعر غلام ربانی فروغ صاحب کے مجموعہ نعت “حرف نیاز” میں یہ التزام نظر آتا ہے. یہ اہتمام ایک طرف بارگاہ نبوی میں اونچی آواز میں بات نہ کرنے کے حکم کی تعمیل ہے جبکہ دوسری طرف دلی خشوع و خضوع کی علامت بھی ہے. نیز قادر الکلامی کے بغیر اسے روا نہیں رکھا جا سکتا. حبدار قائم ضلع اٹک کے ان گنے چنے شعرا کی صف میں شامل ہو چکے ہیں جو نعتیہ مجموعہ رکھتے ہیں. میں انھیں اس سعادت پر مبارکباد پیش کرتا ہوں.

Sarmad

سجاد حسین سرمد

مدیر سہ ماہی دھنک رنگ فتح جنگ

26 اپریل 2022ء

سجاد حسین سرمد

Next Post

ڈاکٹر مشرف حسین انجم سے گفتگو

بدھ جون 22 , 2022
میرا نام مشرف حسین انجم ہے۔ ادب کی دنیا میں ڈاکٹر محمد مشرف حسین انجم کے نام سے معروف ہوں
ڈاکٹر مشرف حسین انجم سے گفتگو