آغا جی ایوارڈز 2023 برائے آئی اٹک
میرے انتہائی معزز اور قابل احترام اہل قلم جو گزشتہ برسوں سے آئی اٹک پر بہترین علمی، تحقیقی اور ادبی مواد لکھتے رہے ہیں، ان کی خدمت میں یہ ایوارڈ بطور شکریہ پیش کررہا ہوں بصورت اسناد۔ یہ کام دسمبر کی پچیس کو کرنا تھا لیکن مصروفیات اور علالت کی وجہ سے موخر ہوگیا۔ اس پر ایک مکمل مضمون بعد میں لکھوں گا۔
آغا جی ایوارڈز ۲۰۲۳کے سلسلے میں آئی اٹک ای میگزین کے مستقل لکھاریوں میں سے چھ اہل قلم کو اسناد اعزاز دی گئی ہیں۔ اس میں سے تین اسناد اول، دوم و سوم بلحاظ تعداد مضامین ہیں۔ لیکن صرف تعداد کو ہی مدنظر نہیں رکھا گیا مضامین کے موضوعات اور معیار کو بھی جانچا گیا ہے۔ اور یہی معیار باقی کی تین اسناد میں بھی مدنظر رکھا گیا ہے۔ خاص بات جو ان اسناد میں رکھی گئی ہے وہ ایک QR- Code ہے جسے اسکین کرنے سے یہی ربط (web link) کھل جائیگا جس سے سند کی تصدیق اور تفصیل جانچی جاسکے گی۔ یہاں ناموں کی ترتیب بلحاظ حروف تہجی رکھی گئی ہے۔
شہر میں مقیم احباب کو پرنٹ لیکر خود پیش کردونگا جو بیرون شہر ہیں ان کو ڈاک سے ارسال کر دونگا۔ آپ کی آراء میرے لئے باعث تقویت و مسرت ہونگی۔
محترمہ ثمانہ زھراء
ہمارے ای میگزین کی پہلی خاتون لکھاری ہیں۔آپ نے کالم ، تحقیق، جغرافیہ، آثار قدیمہ، زراعت و باغبانی، سفرنامہ جیسے موضوعات پر اردو اور انگریزی میں مضامین لکھے۔ آپ کی دو تحریریں ٹاپ 12 میں بھی شامل ہیں۔ آپ کی خدمات کے اعتراف میں یہ سند عطا کی گئی۔
جناب حبدار قائم
معروف شاعر اور ادیب ہیں آپ نے شاعری(حمد، نعت، غزل، منقبت، ملی نغمہ) کیمبل پوری بولی، کالم، جغرافیہ ، تبصرہ کتب، مذہب ، اخبار، افسانہ، ادب اطفال، تہذیب و ثقافت جیسے موضوعات پرمضامین لکھے اور بلحاظ تعداد مضامین اوّل قرار پائے آپ کی خدمات کے اعتراف میں یہ سند عطا کی گئی۔
محترمہ سعدیہ وحید
کالم نگار اور ادیبہ ہیں۔ آپ نے تحقیق ، تاریخ ، طب و صحت ، شخصیات ، تصوف ، کالم جیسے موضوعات پر بہترین مضامین تخلیق کئے اور بلحاظ تعداد مضامین دوم قرار پائیں۔آپ کی خدمات کے اعتراف میں یہ سند عطا کی گئی۔
جناب ڈاکٹر عبدالسلام
محقق ،مورخ، ادیب اور طبیب ہیں۔ کمال لکھتے ہیں۔آپ نے تاریخ ، آپ بیتی، ثقافت، کالم ، تحقیق جیسے موضوعات پر اردو اور انگریزی میں گراں قدر مقالہ جات تحریر کئے۔ آپ کی خدمات کے اعتراف میں یہ سند عطا کی گئی۔
جناب مقبول ذکی مقبول
منجھے ہوئے صحافی اور قلمکار ہیں۔ آپ نے کالم، اخبار ، انٹرویو ، تبصرہ کتب ، شاعری جیسے موضوعات پر بہترین مواد تخلیق کیا اور بلحاظ تعداد مضامین سوم رہے۔آپ کی خدمات کے اعتراف میں یہ سند عطا کی گئی۔
جناب سیّد مونس رضا
معروف ماہر تعلیم، عالم دین، مذہبی اسکالر اور ادب نواز شخصیت ہیں آپ نے دینی موضوعات پر گراں قدر مضامین لکھے آپ کا ایک مضمون عدل و انصاف قُرآن کی رُو سے سب سے زیادہ مرتبہ پڑھا اور تلاش(Google-Search) کیا گیا۔ آپ کی تین تحریریں ٹاپ 12 میں بھی شامل ہیں۔ آپ کی خدمات کے اعتراف میں یہ سند عطا کی گئی۔
فطرت مری مانند نسیم سحری ہے
رفتار ہے میری کبھی آہستہ کبھی تیز
پہناتا ہوں اطلس کی قبا لالہ و گل کو
کرتا ہوں سر خار کو سوزن کی طرح تیز
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
