24واں تقسیم اسناد و شانِ اولیاء کانفرنس
اٹک ( ڈاکٹرشجاع اختر اعوان) مرکز اسلام جامعہ حقانیہ ظاہرالعلوم رجسٹرڈ اٹک کینٹ کا 24واں تقسیم اسناد و شانِ اولیاء کانفرنس استاذالعلماء مفتی ابوطیب رفاقت علی حقانی بانی ومہتمم جامعہ ھذا کی زیر صدارت شان و شوکت کے ساتھ اختتام پذیر ہو گئی، جس میں صاحبزادہ صوفی ملک، راشد محمود نقشبندی استانہ عالیہ خوشبو ئے بحر الحق شریف مہمان خصوصی تھے. حضرت علامہ قاری محمد اصف امین نورانی خطیب اعظم غازی نے خطاب کرتے ہوئے کہا کہ قران شریف پڑھنے والے، پڑھانے والے سننے سنانے والے اور ان سے محبت کرنے والے خوش قسمت ہیں جن کے لیے زمین کی تمام مخلوقات حتی کہ سمندر میں مچھلیاں بھی دعائے مغفرت کرتی ہیں انہوں نے مزید کہا کہ اللہ تعالی نے اولیاء کرام کو بلند شان عطاء فرمائی ہے. اللہ تعالیٰ جس کے ساتھ بھلائی کا ارادہ فرماتا ہے تو اسے دین کی سمجھ عطا فرما دیتا ہے۔
اس موقع پر جامعہ کے زیر اہتمام 40روزہ فہم دین کورس کی کامیاب تکمیل کرنے والے طلباء و طالبات کو بھی اسناد سے نوازا گیا. صاحبزادہ محمد طیب میلادی گولڈمیڈلسٹ ناظم اعلی، صاحبزادہ ڈاکٹر محمد شعبان حقانی اور ڈاکٹر قاری محمد یاسراعوان نے حاضرین کا شکریہ ادا کیا جبکہ استاذالعلماء مفتی ابوطیب رفاقت علی حقانی نے صدارتی خطبہ دیتے ہوئے کہا کہ قرآن و سنت کی ترویج و اشاعت کے لئے خود کو، اولاد، مال اور وقت کو پیش کرنا بڑی سعادت ہے ان شاء اللہ اسلام آباد انٹرنیشنل یونیورسٹی کی طرح یہ ادارہ بھی عظیم یونیورسٹی کی شکل اختیار کرے گا. جامعہ کے زیر اہتمام 38ویں سالانہ عظیم الشان میلاد مصطفیٰ کانفرنس 22 ستمبر کو ہوگی جس میں حضرت پیر سید سعادت علی شاہ چورہ شریف خطاب کریں گے. اس موقع پر سیاسی سماجی مذہبی اہم شخصیات سمیت اہلیان علاقہ نے بھرپور شرکت کی. حاضری کی تواضع لنگر غوثیہ سے کی گئی.
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
