ہم دونوں پر یہ وقت کا جادو سا چل گیا

ہم دونوں پر یہ وقت کا جادو سا چل گیا
تُم بھی بہت بدل گئے، میں بھی بدل گیا
جیسے یہ دن نہیں تھا، کسی خوف کا تھا بُھوت
جیسے تھا ایک سایہ سرِ شام ڈھل گیا
دیوارِ خستہ اور شکستہ سے بام و دَر
لیکن وہ دستِ عزم کے بَل پر سنبھل گیا
بازار تو بھرے تھے مگر جیب خالی تھی
لیکن یہ دل کہ طِفل کی طرح مچل گیا
اک پَل کے فیصلے سے مرے خوف مٹ گئے
خطرہ تمام عمر کا اک پَل میں ٹل گیا
دن رات اب تو ایسے گزرتے ہیں جس طرح
ڈھلوان سی زمین سے پاؤں پھسل گیا

کلام: عمران اسؔد

عمران اسد
عمران اسؔد پنڈیگھیب حال مقیم مسقط عمان

تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔

streamyard

Next Post

اٹک میں فن موسیقی کابانی گھرانہ

اتوار جنوری 31 , 2021
اٹک شہر میں کئی دہائیوں سے مقیم فن موسیقی کا استاد گھرانہ جس نے نا صرف پاکستان میں بلکہ عالمی سطح پر اپنے فن کا لوہا منوایا ۔
saxophone

مزید دلچسپ تحریریں