میڈے حال تے ہتھ دی ہر لکیر روندی رہ گئی ہے
میڈے حال تے ہتھ دی ہر لکیر روندی رہ گئی ہے
عرشاں اُتے لکِھی ہوئی تحریر روندی رہ گئی ہے
ڈیکھ کے تیڈی بے پروائی سُنڑ کے طعنے سکھیاں کولو
میڈے تن من دی تاں ہِک ہِک لیر روندی رہ گئی ہے
ساوی تیڈے ناں وے لاکے جگ دی تہمت سِر تے چائی ہے
بنڑ کے تیڈی الفت دی تصویر روندی رہ گئی ہے
پنوں گولڑ کیتے بھَج بھَج رُل گئی ہے اوہ وچ جنگلاں دے
ہَکلاں ڈے ڈے شودی دِل گیر روندی رہ گئی ہے
سونڑی کُوں وی ناز ہاں ڈاڈھا اپنڑیں کچے گھڑے اُتے
بُد دا ڈیکھ کے شوہ دریا وچ نیر روندی رہ گئی ہے
میں مقبول توں صدقے تھیواں کوئی تاں ونج آکھے ہا اوں کُوں
تیڈے کیتے کملی بے تکسیر روندی رہ گئی ہے
Title Image by Jaelle Burger from Pixabay

اس ویب سائٹ پر شائع ہونے والی تحریروں میں بیان کردہ خیالات متعلقہ لکھاریوں کے اپنے ہیں۔ ضروری نہیں کہ iAttock.com کے مدیر یا انتظامیہ ان سے اتفاق کرتے ہوں۔