گرم ہےحسن کا بازار خدا خیر کرے

ShafiUllah Shafi Bahraichi
شفیعؔ بہرائچی

گرم ہے____ حسن کا بازار خدا خیر کرے

عام ہے___ شربت دیدار خدا خیر کرے

دیکھئے___ گرمیٔ گفتار خدا خیر کرے

ہو نہ___ جائے کہیں تکرار خدا خیر کرے

اب کہاں____ جائیں ترے چاہنے والے آخر

چرخ ہے ____درپئے آزار خدا خیر کرے

کل جو دم بھرتے تھے اے دوست محبت کا مری

اُن کے __ہونٹوں پہ ہے انکار خدا خیر کرے

مجھ___ سے بر گشتہ مقدر ہی  نظر آتا ہے

بگڑے بگڑے سے__ ہیں سرکار خدا خیر کرے

چل کے_ پوچھیں تو ذرا بازوئے قاتل کا مزاج

لیکے وہ___ نکلے ہیں تلوار خدا خیر کرے

ہائے اے جوشِ جنوں اب تو  یہ  حالت ہے  مری

دیکھ کر___ نہتے ہیں اغیار خدا خیر کرے

چونک__ اٹھیں نہ کہیں قبر کے سونے والے

آپ کی___ شوخیٔ رفتار خدا خیر کرے

غیر  کے  جور  و  ستم  کا کروں کس سے شکوہ 

اپنوں کے___ جب بدلے اطوار خدا خیر کرے

خار ہی__ خار نظر آتے ہیں گلشن میں شفیعؔ

سونا سونا___ سا ہے گلزار خدا خیر کرے

Juned

پیشکش

جنید احمد نور

بہرائچ، اتر پردیش

جنید احمد نور

Next Post

سب سے بڑا کرنسی نوٹ

پیر اکتوبر 4 , 2021
اب تک کا معلوم دنیا کا سب سے بڑا کرنسی نوٹ حکومت فلپائن نے سپین سے آزادی کے سو سال پورے ہونے پر 1998 میں جاری کیا تھا
money