نصیب جاگے
میں نال حُب دے قلم کوں چا کے
جہان سارے تے دید کِیتم
کلام اللہ تے ٹِک گئی ہے
نماز روزے تے نیک سارے
اے کم چنگے ھِن قسم خدا دی
تے ذکر آلِ عباؑ کوں پڑھ کے
ایں دِل میڈے کوں سکون مل گئے
میں کجھ تاں لکھاں شعور آ کھائے
عمل اے سارے قبول تھیسن
سخن اے میکوں رکھیسی زندہ
قبر دے وچ وی ثواب ملسی
اے خُلد ملسی تے درجے ودھسِن
اے سوچ کے بس کتاب لکھِم
تے ناں ہے جیندا رکھا میں سجدہ
Title Image by Rudolf Langer from Pixabay
اس ویب سائٹ پر شائع ہونے والی تحریروں میں بیان کردہ خیالات متعلقہ لکھاریوں کے اپنے ہیں۔ ضروری نہیں کہ iAttock.com کے مدیر یا انتظامیہ ان سے اتفاق کرتے ہوں۔
