Tag: شاعری

کیفی ؔ اعظمی اور بہرائچ

ہندو نیپال سرحد پرکوہستان ہمالیہ کی مینوسوادوادی میں آباد ایک چھوٹا سا ضلع بہرائچ علاقہ اودھ کا ایک تاریخی علاقہ ہے جسے سلطان الشہدا فی الہند حضرت سید سالار مسعود غازی ؒکا جائے شہادت ہونے کا شرف حاصل ہے۔ بہرائچ زمانہ قدیم سے علم کا مرکز رہا ہے ۔دریائے گھاگھرا کے کنارے صوبہ اتر پردیش کے دارالحکومت لکھنؤ سے۱۲۵ کلومیٹر کے فاصلہ پر واقع بہرائچ صوبہ و خطہ اودھ کا تاریخی ضلع اور شہر ہے۔ضلع بہرائچ کو اگر جغرافیائی نقط نظر سے دیکھا جائے تو یہ اتر پردیش کا ایک ایسا ضلع ہے جو نیپال کی سرحد پر اور ہمالیہ کی گود میں بسا ہوا ہے۔ویسے تو یہ ضلع ترقیاتی نقطئہ ونظر سے کافی پسماندہ ہے لیکن قدرتی دولت سے مالامال بھی ہے ۔ ہرائچ زمانہ قدیم سے ہی علم کا گہوارہ رہا ہے۔یہاں خاص طور پر اردو ادب نے بہت ترقی پائی۔ مشہور بزرگ اور شاعر حضرت مرزا مظہر ؔ جان جاناں شہید ؒ کے خلیفہ خاص اور آپ کی اولین سوانح لکھنے والے معمولات مظہریہ کے مصنف حضرت شاہ نعیم اللہ صاحب بہرائچیؒ کوبہرائچ کا پہلا اردو شاعر ہونے کا شرف حاصل ہے۔شاہ نعیم اللہ بہرائچیؒ کا کلام آج بھی آپ کے خانوادے کے پاس محفوظ ہے۔بہرائچ ہی وہ سر زمین ہے جہاں شہنشاہ غزل میر تقی میؔر نے اپنی مثنوی’’ شکار نامہ‘ تصنیف کی تھی۔
میر ؔنے بہرائچ کا ذکر کرتے ہوئے اپنی تصنیف میں لکھا ہے کہ

چلےہم جو بہرائچ سے پیشتر
ہوئےصید دریا کے واں پیشتر

مشہور ادیب ،عید گاہ اور گودان جیسے بے مثل شاہکار لکھنے والے منشی پریم چند نے بھی شہر بہرائچ کو اپنی رہائش کا شرف بخشا ہے۔منشی پریم چند صاحب کی پیدائش۳؍جولائی ۱۸۸۰ءمیں ہوئی۔آپ صرف۲۰ سال کی عمر میں ٹیچر کے عہدے پر فائز ہو گئے تھے۔ اس دوران۲؍ جولائی۱۹۰۰ءمیں آپ کا ٹرانسفر بہرائچ کے گورنمینٹ انٹر کالج میں ۲۰؍روپے ماہانہ پر ہوا ۔جہاں پرآپ نے تین ماہ تک بطور ٹیچر کے تعلیمی خدمات انجام دی۔اوریہیں بہرائچ میں ہی اپنے ناول ” اسرار معابد“ کی شروعات کی تھی۔پروفیسر سید مسعودحسن رضوی ادیب ؔ کی ولادت محلہ ناظر پورہ بہرائچ میں ہوئی۔ عصمت ؔچغتائی،عظیم بیگ چغتائی اور کیفی ؔاعظمی کی ابتدائی زندگی کا ایک دور یہاں گزرا ہے۔
یہ تو تھا بہرائچ اور اردو ادب کے درمیان کا تعلق ،ہمارا یہ مضمون اصل میں کیفیؔ اعظمی صاحب پر ہے اور ان کی ہی کتاب کے حوالے سے بہرائچ سے آپ کے تعلق کو ظاہر کرتا ہے۔

مشہور شاعر کیفی ؔ اعظمی صاحب کی ولادت 14 جنوری 1919 ء کو ضلع اعظم گڑھ میں ہوئی تھی۔ کیفی صاحب کا ہمارے تاریخی شہر بہرائچ سے گہرا تعلق تھا۔آپ کے بچپن کے دن بھی بہرائچ میں گزرے ہیں۔ کیفی ؔ صاحب کے والد صاحب نواب گنج علی آباد ضلع بہرائچ کے نواب قزلباش کے یہاں ملازمت کرتے تھے اور شہر بہرائچ کے محلہ سید واڑہ قاضی پورہ میں رہتے تھے۔کیفیؔ صاحب نے اپنی پہلی غزل بہرائچ میں ہی پڑھی تھی۔جیسا کہ کیفی ؔصاحب خود اپنے مجموعہ کلام ’’سرمایہ‘‘ میں لکھتے ہیں :
واقعہ یہ ہے کہ ابّا بہرائچ میں تھے۔نواب قزلباش اسٹیٹ(تعلقہ نواب گنج علی آباد بہرائچ) کے مختار عام یا پتہ نہیں کیا وہا ں ایک مشاعرہ منعقد ہوا اس وقت زیادہ تر مشاعرے طرحی ہوا کرتے تھے اسی طرح کا ایک مشاعرہ تھا۔بھائی صاحبان لکھنؤسے آئے تھے۔بہرائچ ،گونڈہ،نانپارہ اور قریب دور کے بہت سے شعراء مدعو تھے۔مشاعرے کے صدر مانی ؔجائسی صاحب تھے ان کے شعر سننےکا ایک خاص طریقہ تھا کہ وہ شعر سننے کے لئے اپنی جگہ پر اکڑوں بیٹھ جاتے اور اپنا سر اپنے دونوں گھٹنوں سے دبا لیتے اور جھوم جھوم کے شعر سنتے اور داد دیتے ۔اس وقت شعرا ء حسب مراتب بٹھائے جاتے ایک چھوٹی سی چوکی پر قیمتی قالین بچھا ہوتا اور گاؤ تکیہ لگا ہوا ہوتا صدر اسی چوکی پر گاؤ تکیے کے سہارے بیٹھتا تھا جس شاعر کی باری آتی وہ اسی چوکی پر آکے ایک طرف نہایت ادب سے دو زانو ہوکے بیٹھتا ،مجھے موقع ملا تو میں بھی اسی طرح ادب سے چوکی پر ایک کونے میں دو زانو بیٹھ کے اپنی غزل جو طرح میں تھی سنانے لگا طرح تھی ’’مہرباں ہوتا رازداں ہوتا‘‘ وغیرہ میں نے ایک شعر پڑھا ۔

وہ سب کی سن رہے ہیں سب کو دادِ شوق دیتے ہیں
کہیں ایسےمیں میرا قصئہ غم بھی بیاں ہوتا

مانی ؔ صاحب کو نہ جانے شعر اتنا کیوں پسند آیا کہ انھوں نے خوش ہو کر پیٹھ ٹھونکے کے لئے پیٹھ پر ایک ہاتھ مارا تو میں چوکی سے زمیں پر آرہا۔ مانیؔ صاحب کا منھ گھٹنوں میں چھپا ہوا تھا اس لئے انھوں نے دیکھا نہیں کہ کیا ہوا جھوم جھوم کے داد دیتے اور شعر مکرّر مکرّرمجھ سے پڑوھواتے رہے اور میں زمین پڑا پڑا شعر دوہراتا رہا،یہ پہلا مشاعرہ تھا جس میں شاعر کی حیثیت سے میں شریک ہو ا۔اس مشاعرہ میں مجھے جتنی داد ملی اس کی یاد سے اب تک کوفت ہو تی ہے۔بزرگوں نے داد دی اور کچھ لوگوں نے شک کیا کی یہ غزل کسی اور کی ہے اور میں نے اسے اپنے نام سے پڑھی ہے۔اس پر میں رونے لگا تب بڑے بھائی شبیر حسین وفاؔ جنہیں ابا سب سے زیادہ چاہتے تھے انھوں نے ابا سے کہا انھوں نے جو غزل پڑھی ہے وہ انہیں کی ہے شک دور کرنے کئے لئے کیوں نہ ان کا امتحان لے لیا جائے اس وقت ابّاکے منشی حضرت شوقؔ بہرائچی تھے جو مزاحیہ شاعر تھے۔انھوں نے اس تجویز کی تائید کی مجھ سے پوچھا گیا امتحان دینے کے لئے تیار ہو میں خوشی سے تیار ہو گیا۔شوقؔ بہرائچی صاحب نے مصرعہ دیا ؏
’’اتنا ہنسو کہ آنکھ سے آنسو نکل پڑے ‘‘
بھائی صاحب نے کہا ان کے لئے یہ زمین بنجر ثابت ہوگی کوئی شگفتہ سی تجویز کیجئے لیکن میں نے کہا اگر غزل کہوں گا تو اسی زمین میں ورنہ امتحان نہیں دوں گا طے پایا کہ اسی طرح میں طبع آزمائی کروں اور تھوڑی دیر میں تین چار شعر کہے جو اس طرح تھے جسے بعد میں بیگم اختر نے اپنی آواز سےپنکھ لگا دیئے اور وہ ہندوستان ،پاکستان میں مشہور ہوگئی وہ غزل میری زندگی کی پہلی غزل ہے کو میں نے 11 سال کی عمر میں کہی تھی۔

اتنا تو زندگی میں کسی کی خلل پڑے
ہنسنے سے ہو سکوں نہ رونے سے کل
جس طرح ہنس رہا ہوں میں پی پی کے گرم اشک
یوں دوسرا ہنسے تو کلیجہ نکل پڑے
اک تم کہ تم کو فکر نشیب و فراز ہے
اک ہم کہ چل پڑے تو بہرحال چل پڑے
ساقی سبھی کو ہے غم تشنہ لبی مگر
مے ہے اسی کی نام پہ جس کے ابل پڑے
مدت کے بعد اس نے جو کی لطف کی نگاہ
جی خوش تو ہو گیا مگر آنسو نکل پڑے

کیفی صاحب مزید لکھتے ہیں کہ اب اس غزل کو آپ پسند کریں یا نہ کریں خود میں بھی اب ایسی غزل نہیں کہہ سکتا لیکن اس کی یہ افادیت ضرور ہوئی کہ اس نے لوگوں کا شک دور کر دیا اور سب نے یہ مان لیا کہ میں نے جو کچھ اپنے نام سے مشاعرے میں سنایا تھا۔وہ میراہی کہا ہوا تھامانگے کا اجالا نہیں تھا۔بہرائچ میں یہ غزل کہنے اور مشاعرے میں سنانے کے بعد لکھنؤ تو سب نے یہ سمجھایا کہ اگر سنجیدگی کے ساتھ شاعری کرنا چاہتے ہو تو کسی استاد کا دامن پکڑ لو۔کوئی بے استاد شاعر نہیں ہو سکتا ،ہو سکتا ہے گونڈہ ،بہرائچ میں ہو جائے لیکن یہ لکھنؤ ہے۔اس زمانے میں وہاں دو استادوں کا سکہ چل رہا تھا ۔حضرت آرزوؔ لکھنوی اور مولانا صفیؔ ۔میں آرزوؔ صاحب کے مقابلہ میں صفیؔ صاحب کو زیادہ پسند کرتا تھا ہمت کر کے ان کے گھر پہنچ گیا۔
بہرائچ کے مشہور استاد شاعر منشی محمد یار خاں رافتؔ بہرائچی ،جمال الدین بابا جمالؔ بہرائچی ، بابو سورج نارائن سنگھ آرزوؔ بہرائچی ،بابو لاڈلی پرشاد حیرتؔ بہرائچی ، راقم کے پرنانا اور بہرائچ کے مشہور تاجر و شاعر جناب حاجی شفیع اللہ شفیعؔ بہرائچی کیفی ؔ اعظمی صاحب کے بہرائچ کے دوستوں میں سے تھے۔ بعد میں بھی کیفی کا بہرائچ آناجانا بنا رہا جس میں وہ اپنے بچپن کے دوستوں سے شفیع ؔصاحب کی دکان پر ملاقات کرتے تھے۔کیفیؔ صاحب آخری مرتبہ8 فروری 1986ء کو بہرائچ کے روڈویز میدان میں منعقد ایک مشاعرہ میں آئے تھے ۔

کتابت
• سرمایہ مطبوعہ 1994
• بہرائچ ایک تاریخی شہر

ایس ایم تقی حسین کی غزل کے کھوار تراجم کا فنی و فکری مطالعہ

سید محمد تقی حسین اپنے قلمی نام ایس ایم تقی حسین کے نام سے لکھتے ہیں، ان کی غزل میں محبت، آرزو، ندامت اور گزرتے وقت کے موضوعات کو بہترین شاعرانہ انداز میں پیش کیا گیا ہے، آپ کے اشعار میں تڑپ کے گہرے احساسات کا ذکر، کھو جانے والے مواقع کا بیان اور نامکمل جذبات کے نتائج کو دکھایا گیا ہے۔ راقم الحروف (رحمت عزیز خان چترالی) کا کھوار ترجمہ تقی حسین کی اردو شاعری کی جذباتی گہرائی اور جوہر کو چترال، مٹلتان کالام اور شمالی پاکستان کے وادی غذر کی کھوار بولنے والے قارئین کے ثقافتی اور لسانی تناظر میں ڈھالنے کی ایک ادنیٰ سی کوشش ہے۔

ایس ایم تقی کی غزل کھوئی ہوئی محبت کی باتیں، ندامت کے احساسات، ادھورے وعدوں کا ذکر، اور بے مقصد جذبات کے درد کے گرد گھومتی ہوئی دکھائی دیتی ہے۔ اس میں شاعر رشتوں کو بچانے کے امکانات اور ضائع ہونے والے مواقع کے پچھتاوے کو تلاش کرتا ہوا نظر آتا ہے اور صبر کے ساتھ ساتھ خیر سگالی کی بھی بات کرتا ہے۔

تقی حسین کی شاعری غزل کے روایتی ڈھانچے کی پیروی کرتی ہے، ہر شعر خواہش، ندامت اور کھوئے ہوئے مواقع کا ایک پہلو ظاہر کرتا ہے، جس سے جذباتی ہنگامہ آرائی اور عکاسی کی ایک مربوط داستان تخلیق ہوتی ہوئی دکھائی دیتی ہے۔

شاعر واضح تصویر کشی کے ساتھ ساتھ انسانی جذبات کو ابھارنے کے لیے استعاراتی زبان اور علامتوں کا بھی استعمال کرتا ہوا نظر آتا ہے۔ شیشے جیسے نازک دل کی تصویر کشی اور اندھیرے میں روشنی کی تڑپ جذبات کی نازک نوعیت اور جذباتی روشنی کی آرزو کے استعارے کے طور پر کام کرتی ہے۔ "سمندر بنجر تھا، ہم بہہ سکتے تھے” کا ملاپ غیر دریافت شدہ امکانات اور صلاحیت کے کھو جانے کی علامت کو بیان کرتا ہے۔

تقی حسین کی غزل انسانی جذبات کی پیچیدگیوں اور رشتوں میں چھوٹ جانے والے مواقع کے نتائج کو گہرائی سے تلاش کرتی ہے۔ ہر شعر خواہش، ندامت، اور ادھورے وعدوں کی ایک واضح تصویر ہے، جو قاری کو غیر اظہار شدہ جذبات کے وزن اور بے عملی کے اثرات پر غور کرنے پر مجبور کرتا ہے۔

راقم الحروف کے ‘کھوار’ ترجمے کا مقصد تقی حسین کی شاعری کے جوہر اور جذباتی گہرائی کو دیگر علاقائی زبانوں میں پیش کرنا ہے یہ ترجمہ اس بات کو یقینی بنانا ہے کہ کھوار زبان کی لسانی اور ثقافتی باریکیوں کا بھی احترام کیا جائے اور لسانیات پر کام کرنے والے سرکاری ادارے اردو سے کیے گئے ‘کھوار’ تراجم کو شائع کرکے ‘کھوار’ ادب کی خدمت میں اپنا کردار ادا کریں۔ یہ تجزیہ اور تنقیدی جائزہ کرنا بصیرت انگیز ہو گا کہ ‘کھوار’ (چترالی) زبان اصل اردو غزل میں موجود جذبات، استعاروں اور منظر کشی کی باریکیوں کو ‘کھوار’ میں مؤثر طریقے سے ترجمہ کرنے کے چیلنج کو کس طرح نبھاتی ہے۔

مجموعی طور پر دیکھا جائے تو پتہ چلتا ہے کہ ایس ایم تقی حسین کی غزل کی ‘کھوار’ تراجم کے ساتھ انسانی جذبات کی پیچیدگی اور رشتوں میں کھوئے ہوئے مواقع کی خواہشات کو سمیٹتے ہوئے آرزو، ندامت اور ادھوری خواہشات کی ایک پُرجوش کہانی پیش کرتی ہے۔ اہل ذوق قارئین کے مطالعے کے لیے ایس ایم تقی حسین کی غزل اور ‘کھوار’ تراجم پیش خدمت ہیں۔

"غزل”

نیئتیں تو اچھی تھیں گھر بچا تو سکتے تھے

صبر کرکے تھوڑا سا آزما تو سکتے تھے

کھوار:نیات تھے جم اوشونی دورو تھے بچ کوریکو باؤ اوشوؤ

صبر کوری پھوکرو تھے آزماؤ کوریکو باؤ اوشوؤ

وقت تو گزر جاتا، دل بھی صاف ہو جاتے

بے سبب کے شکوے کو، تم بھلا تو سکتے تھے

کھوار:وخت تھے پھار شوخچیسیر، ہردی دی صفا بیسینی

بے سببو شکوان، تو تھے روخچیکو باؤ اوشوؤ

بزم نارسائی میں ایک تم ہی میرے تھے

منظر اس قرینہ کا تم سجا تو سکتے تھے

کھوار:بزم نارسائیا ای تو تان مه اوشوؤ

منظر ہے قرینو تو تھے سجاؤ کوریکو باؤ اوشؤ

ٹوٹنے سے شیشہ کے، شور کچھ تو ہونا تھا

کانچ سا یہ نازک دل ہم بچا تو سکتے تھے

کھوار:چھیکو سورا شیشو، ہواز تھے پھوک گئیلک اوشوئے

شیشو غون ہیہ نازک ہردیو اسپہ بچ تھے کوریک باؤشتم

دیکھتے اندھیروں میں کیا تڑپنا بسمل کا

روشنی کی خاطر تم دل جلا تو سکتے تھے

کھوار:لوڑیسام چھؤیا کچہ کوری کیٹھیکو بسملو؟

روشتیو بچے تو ہردیو تھے پالئیکو باؤ اوشوؤ

وہ جو تھا سر مژگاں آنکھ سے ٹپکنے کو

بحر بیکراں تھا وہ، ہم بہا تو سکتے تھے

کھوار:ہسے کیاغکہ اوشوۓ سر مژگاں غیچھاری یو چوٹیکو

بحر بیکراں اوشوئے ہسے، اسپہ آف اولئیکو تھے باؤشتم

بے رخی کا نشتر تھا ہجر کا الاؤ بھی

اس قدر اذیئت سے تم بچا تو سکتے تھے

کھوار:بے رخیو نشتر اوشوئے ہجرو باس انگار دی

ہش قسمہ اذیئتاری تو تھے مه بچ کوریکو باؤ اوشوؤ

آنکھ کھول کر تم گر دیکھتے تقی دنیا

اس بساط وحشت کو تم بسا بھی سکتے تھے

کھوار:غیچھان ہوری تو اگر کی لاڑیس دنیو اے تقی

ہیہ بساط وحشتو دی تو ہالئیکو باؤ اوشوؤ

شبیر حسن شبیر کی غزل کا تجزیاتی مطالعہ

شبیر حسن شبیر ایک کہنہ مشق شاعر ہیں اور قریب پچاس سالوں سے 1973 سے شاعری کررہے ہیں اور ان کے کئی شاگرد ہیں آپ اورنگ آباد بہار انڈیا کے رہنے والے ہیں ان کے چار مجموعۂ کلام ( سرمایۂ حیات ،رگ جاں ، بازگشت اور یادوں کے چراغ)منظر عام پر آچکے ہیں اور اہلِ علم کے درمیان قبولیت کی سند حاصل کرچکے ہیں آپ کی ایک نظم "یومِ جمہوریہ”” انڈیا کے بہار سرکار کے چھٹے کلاس کے نصاب میں 1988 سے 2000 تک شامل ہوکر پڑھائی جاتی رہی ہے انہوں نے ہر صنف میں طبع آزمائی کی ہے مگر بنیادی طور پر یہ غزل کے شاعر ہیں انڈیا کے بنگال اردو اکادمی اور بہار اردو اکادمی سے ان کی کتاب پر ایوارڈ بھی مل چکا ہے،انڈیا اور بیرون ممالک کے مختلف رسائل میں ان کے کلام شائع ہوتے رہتے ہیں آپ کئی بزم میں انڈیا اور بین الاقوامی گروپ میں شامل ہیں، ٹی وی، ریڈیو ،اردو ڈائرکٹوریٹ اور آن لائن ذوم پر قومی اور بین الاقوامی مشاعرے میں شامل ہوتے رہتے ہیں گورنمنٹ آف انڈیا کے ادارہ سے لائف اچیومنٹ ایوارڈ بھی مل چکا ہے، آپ گورنمنٹ آف انڈیا کے اوڈٹ ڈپارٹمنٹ سے اوڈٹ آفیسر کے عہدے سے نومبر 2009 میں سبکدوش ہوئے ہیں اور ادب کی خدمت میں لگے ہوئے ہیں۔

اردو کے ممتاز شاعر شبیر حسن شبیر نے ایک ایسی بہترین غزل پیش کی ہے جس میں محبت، چاہت اور خود شناسی کے موضوعات کو شامل کیا گیا ہے۔ شبیر حسن شبیر اپنے اشعار میں شاعرانہ منظر کشی اور استعاراتی زبان کا استعمال کرتے ہوئے انسانی جذبات کے جوہر کو سمیٹتا ہوا دکھائی دیتا ہے۔

شبیر کی غزل کا مرکزی موضوع محبت کے گرد گھومتا ہوا نظرآتاہے، جس کا اظہار شاعر نے تڑپ، تعریف اور یاد کے ذریعے کیا ہے۔ اپنی محبوب شخصیت کو راحت جان سے تشبیہ دے کر شاعر نے اپنے خیالات کا اظہار کیا ہے، شاعری کا یہ انداز شاعر کی آرزو کو واضح منظر کشی اور جذباتی شدت سے پیش کرتا ہے۔ غزل جدائی، تقدیر اور محبت کرنے والوں کے درمیان روحانی بندھن کے موضوعات کو بھی چھوتی ہے۔

غزل کی ساخت بہترین ہونے کے ساتھ ساتھ تھیم بھی بہت ہی خوبصورت ہے۔شبیر حسن شبیر غزل کے کلاسیکی ڈھانچے پر قائم رہتے ہوئے دکھائی دیتے ہیں، ہر مصرعے کے آخر میں ایک مستقل شاعری کی اسکیم اور گریز کا استعمال کرتے ہیں۔ غزل آزاد لیکن باہم جڑے ہوئے اشعار پر مشتمل ہے، ہر ایک مصرع میں شاعر کے جذبات کا ایک پہلو نظر آتا ہے۔ بار بار آنے والا گریز، "راحت جاں کو تو میں راحت جاں کہتا ہوں/تیری تصویر کو دیکھوں تو نشاں کہتا ہوں ” ایک اینکر کے طور پر کام کرتا ہے، جو شاعر کے لگاؤ اور چاہت کو تقویت دیتا ہے۔

غزل جذبات کو ابھارنے اور منظر کشی کے لیے مختلف ادبی آلات کا استعمال کرتی ہے۔ امیجری کو استعاراتی تاثرات کے ذریعے واضح طور پر پیش کیا گیا ہے جیسے ” قافلہ لوٹا جہاں دن کے اجالے میں مرا/ راہبر اس کو ہی تیرا میں جہاں کہتا ہوں "، سفر کے اختتام کی علامت اور کھوئے ہوئے لمحات کی یاد تازہ کرتا ہے۔ شخصیت کا استعمال، جیسا کہ ” رات بھر جاگ کے ٹہلایا مجھے گود لیے/دوستو ایسی محبت کو میں ماں کہتا ہوں” شاعر کے وابستگی کو جذباتی گہرائی فراہم کرتا ہے۔ مزید برآں، علامت "محبت کی دکان” جیسی خطوط میں واضح ہوتی ہے، جو ایک ایسی جگہ کی نشاندہی کرتی ہے جہاں محبت اور جذبات کا تبادلہ ہوتا ہے۔

غزل کے ہر مصرعے میں شاعر ایک الگ جذبات یا خیال سمیٹتا ہوا نظر آتاہے۔ راحت جان کے لیے شاعر کی آرزو واضح ہے کیونکہ وہ اس کی موجودگی کے لیے ترستا ہے اور مشترکہ لمحات کی یاد تازہ کرتا ہے۔ جذبات کا جوڑ قابل ذکر ہے – شاعری محبت اور استعفیٰ دونوں کا اظہار کیا گیا ہے۔ یہ سطریں جیسے ” تم مرے پاس رہو کوئی ضروری تو نہیں / تم مقدر مرا بن جاؤ کہاں کہتا ہوں ” محبوب کے لیے ترستے ہوئے تقدیر کی قبولیت کا احساس دلاتے ہیں۔

"ٹوٹے ہوئے تنکے” اور "مکان” جیسے سادہ لیکن پُرجوش استعاروں کا استعمال شاعر کے عاجزانہ ٹھکانہ اور وجود کی نزاکت کی تصویر کشی کرتا ہے۔ آخری شعر، "تیری فرقت میں گزارا ہے جہاں بھی شبیر/جان لے اس کو محبت کی دکاں کہتا ہوں” جسمانی جدائی سے قطع نظر شاعر کی زندگی پر محبت کے لازوال اثرات کو ظاہر کرتا ہے ۔

راحت جاں کو تو میں راحت جاں کہتا ہوں

تیری تصویر کو دیکھوں تو نشاں کہتا ہوں

شاعر مطلع یعنی پہلے شعر میں یہ کہنا چاہتا ہے کہ جان کی راحت کو میں جان کا سکون کہتا ہوں اور جب تیری تصویر کو دیکھوں تو میں اس کو راحت یا سکون کا نشان کہتا ہوں۔

قافلہ لوٹا جہاں دن کے اجالے میں مرا

راہبر اس کو ہی تیرا میں جہاں کہتا ہوں

راہبر نے راہزن کا کام کیا ہے اس لیے کہ دن کے اجالے میں قافلہ لوٹا ہے اور یہی اس کی دنیا ہے۔

رات بھر جاگ کے ٹہلایا مجھے گود لیے

دوستو ایسی محبت کو میں ماں کہتا ہوں

ایسی ہستی جو رات بھر جاگ کے گود میں لے کر بچے کو ٹہلاتی رہے ایسی ہستی یا محبت کو ماں ہی کہا جاسکتا ہے۔

تم مرے پاس رہو کوئی ضروری تو نہیں

تم مقدر مرا بن جاؤ کہاں کہتا ہوں

محبوب سے کہتا ہے کہ کوئ ضروری نہیں تم مرے پاس رہو لیکن تم مرا مقدر بن جاؤ یہ میں کبھی نہیں کہتا،اس میں محبوب کی بےوفائی کا شکوہ ہے۔

چند ٹوٹے ہوئے تنکے کا سہارا لے کر

میں جہاں رہتا ہو‌ں ہاں اس کو مکاں کہتاہوں

شاعر ٹوٹے پھوٹے تنکوں کو جوڑ کر اپنے رہنے کی جگہ بناتا ہے اور اس کو وہ اپنا مکان کہتا ہے وہ اپنے محبوب سے مخاطب ہو کر کہتا ہے میں تمہارے لۓ محل نہیں بنا سکتا اسی لیے پہلے شعر میں محبوب سے کہتا ہے کہ کوئی ضروری نہیں تم مرے پاس رہو اور میرا مقدر بن جاؤ۔

تیری فرقت میں گزارا ہے جہاں بھی شبیر

جان لے اس کو محبت کی دکاں کہتا ہوں

مقطع میں شاعر کہتا ہے کہ تیری فرقت میں جہاں بھی وقت گزارا ہے وہ میری محبت کی دکاں ہے تم سے مجھے محبت ہے اور تیری جدائی یا فرقت کا احساس ہے مگر تو اتنا بے وفا ہے کہ تجھے اس کا احساس تک نہیں۔