پاک ہستی دی آمد ہے کعبے اندر مرحبا یا علیؑ یا علیؑ حق علیؑ
لات منات کوں عوظا بے جان کوں پئے گئی ہے خبر مرحبا یا علیؑ یا علیؑ حق علیؑ
ڈیکھو ڈیکھو خوشی توں چمکدے پئے ذرے ذرے مکمل ایں کائنات دے
کیتی چہرے علی مرتضیٰؑ تے نظر مرحبا یا علیؑ یا علیؑ حق علیؑ
جگ تے کل ایماں دا قدم آگیا ہنڑ تاں باطل نہ بچسی ذرہ وی اتھاں
کعبے نواں بنڑایا خوشی توں ہے در مرحبا یا علیؑ یا علیؑ حق علیؑ
ناز کیتا ہے کوثر خود اپنڑیں اتے شکر ہے یاخدایا تیڈی ذات دا
آیا ساقی میڈا ہے وڈا باامر مرحبا یا علیؑ یا علیؑ حق علیؑ
بت پرستی نہ تھیسی ولا ہنڑ اتھاں ہنڑ محمدؐ دا کلمہ پڑھاسی علیؑ
اج توں ہوسی عبادت دا سچا اثر مرحبا یا علیؑ یا علیؑ حق علیؑ
شجرہ طیب تے رحمت ہے وسدی کھڑی شاخ نوری بہشتاں توں افضل جو ہے
پڑھ کے صلواة آکھن شجر تے ثمر مرحبا یا علیؑ یا علیؑ حق علیؑ
وڈی رحمت دی نعمت ہے نازل تھئی جڈاں احمدؐ دے چہرے تے کیتی نظر
پڑھا قرآن مولاؑ اتھاں بے خطر مرحبا یا علیؑ یا علیؑ حق علیؑ
سب مولالی علیؑ دے علم دے تلے وت درودوسلام آ کے پڑھسن کھڑے
ہوسی مقبول نعرہ اے روزِ حشر مرحبا یا علیؑ یا علیؑ حق علیؑ
بھکر، پنجاب، پاکستان
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
