ہوا ازل سے عرش پر ظہور وہ حسینؑ ہے

ہوا ازل سے عرش پر ظہور وہ حسینؑ ہے
حضورؐ کی جبیں کا ہے نور وہ حسینؑ ہے

ہے رکھ لیا بھرم پیغمبروںؑ کا اس جہان میں
جو دینِ حق بچا گیا غیور وہ حسینؑ ہے

یہ عظمتیں تو دیکھ لو سنان پر بھی چڑھ کے وہ
ہوا نہ جو قرآن سے یوں دور وہ حسینؑ ہے

جو کر دیا ہے پست پھر سے بت شکن کے لعلؑ نے
دیا ہے توڑ کفر کا غرور وہ حسینؑ ہے

وہ کم نہ کر سکا یزیدِ وقت جس کی روشنی
سفر کیا ہے عشق کا عبور وہ حسینؑ ہے

نواسہ ء رسولؐ کا تمام عالمین پر
صداقتوں کا نور ہے ضرور وہ حسینؑ ہے

ذکی کو ناز ہے بہت حسینیت کی شان پر
کرے وہ حمد زخم سے ہو چور وہ حسینؑ ہے

maqbool zaki

شاعر : مقبول ذکی مقبول

بھکر پنجاب پاکستان

مقبول ذکی مقبول

Next Post

جزوِآئینہ

جمعرات اگست 11 , 2022
اسد حیات پیپلزپارٹی اٹک کے بانی رکن ، معروف معالج و سماجی شخصیت ڈاکٹر سکندر حیات کا پوتا اور پی پی پی ضلع اٹک کے صدر سردار اشعرحیات کا فرزند ارجمند ہے
جزوِآئینہ