اماراتی خواتین کی عربی تخلیق ، وژن کی تشکیل نو کانفرنس
ابوظہبی میں اماراتی خواتین کی عربی تخلیق اور ویژن کی تشکیل نو کے موضوع پر دو روزہ کانفرنس ختم ہو گئی
کانفرنس میں اردو بکس ورلڈ کے ڈائریکٹر سرمد خان، صحافی عارف شاہد، ساحل خان لیکڈو اور روزنامہ کالم نگار ایم یوسف بھٹی نے شرکت کی
دبئی (سید ثاقب امداد بخاری) ابوظہبی اریبک سنٹر میں جاری دو روزہ کانفرنس گزشتہ شام ختم ہو گئی۔ اس کانفرنس کا انعقاد ابوظہبی ارینا کے عریبک لینگویج سنٹر حال میں ہوا۔ اس کانفرنس کا موضوع "اماراتی خواتین کی عربی تخلیق اور ویژن کی تشکیل نو” تھا۔ یہ کانفرنس عربی زبان میں تھی جس میں خواتین کے تعلیمی اور تخلیقی ویژن اور روشن مستقبل وغیرہ پر تقاریر اور بحث و مباحثہ کیا گیا جس میں خلیجی ممالک سعودی عرب، کویت اور اومان سے بھی خواتین و حضرات نے شرکت کی۔
پاکستان کی طرف سے کانفرنس میں "اردو بکس ورلڈ” کے ڈائریکٹر سرمد خان، صحافی عارف شاہد، ساحل خان لیکڈو اور سینئر کالم نگار ایم یوسف بھٹی نے شرکت کی۔ ایک ملاقات میں اومان کی خاتون صحافی نیہاد نے کہا کہ یہ کانفرنس انتہائی کامیاب رہی جس میں اہل عرب خواتین نے بھرپور شرکت کی۔ اسی طرح ایک انٹرویو میں لوکل میڈیا پرسن مریم یعقوب نے کہا کہ دبئی اور متحدہ عرب امارات کی ترقی میں عزت مآب حکمران نمایاں کردار ادا کر رہے ہیں جنہوں نے متحدہ عرب امارات اور دبئی کو دنیا بھر میں ایک اہم تجارتی مرکز بنا دیا ہے۔
About the Author
تمام تحریریں لکھاریوں کی ذاتی آراء ہیں۔ ادارے کا ان سے متفق ہونا ضروری نہیں۔
کیا آپ بھی لکھاری ہیں؟اپنی تحریریں ہمیں بھیجیں، ہم نئے لکھنے والوں کی حوصلہ افزائی کرتے ہیں۔ |
