ضلعی انتظامیہ مون سون سیزن کے لئے تیار

اٹک(ہشام خان اعوان سے/نیوز ایڈیٹر)ایڈیشنل ڈپٹی کمشنر جنرل اٹک انیل سعیدنے کہاہے کہ ضلعی انتظامیہ مون سون سیزن اورمتوقع سیلاب سے نبردآزماہونے کیلئے ہرلمحہ تیارہے، انہوں نے ان خیالات کا اظہار ضلعی ایمرجنسی بورڈ اٹک کے اجلاس کی صدارت کرتے ہوئے کیا ہے، اس موقع پر ڈسٹرکٹ ایمرجنسی آفیسر و ضلعی انچارج ریسکیو1122 اٹک علی حسین، خاتون اسسٹنٹ کمشنر تحصیل اٹک انزہ عباسی، چیف آفیسر بلدیہ اٹک سردار آفتاب احمد خان،ریجنل فارسٹ آفیسر اٹک اظہر عباس،سب ڈویژنل فارسٹ آفیسر اٹک محمد عثمان،محکمہ صحت، محکمہ تعلیم، ٹریفک پولیس، محکمہ لائیوسٹاک اور دیگر محکموں کے افسران بھی موجود تھے.

اجلاس میں ڈسٹرکٹ ایمرجنسی آفیسر اٹک وضلعی انچارج ریسکیو1122 علی حسین نے شرکاء کو تفصیلی بریفنگ دی ہے، اجلاس میں آبی گزر گاہوں کے راستے میں تجاوزات، ڈی سلٹنگ، فلڈ ریلیف کیمپ، جوائنٹ انسپیکشنز،دفعہ 144 کے نفاذ،آزمائشی مشقوں، کنٹرول روم کے قیام اور دیگر موضوعات زیر بحث لائے گئے ہیں، اجلاس میں کالا چٹا پہاڑ میں آگ لگنے کے واقعات اور ان کی روک تھام کیلئے بھی حکمت عملی پر غور کیا گیا ہے، ریجنل فارسٹ آفیسر اٹک اظہر عباس نے اس موقع پر اجلاس کو جنگلات کے بارے میں تفصیلی بریفنگ دی ہے۔

English

ہشام خان

چیئرمین آل پاکستان پرنٹ اینڈ الیکٹرانک اینڈ سوشل میڈیا ضلع اٹک