Tag: محرم

ویلڈن اٹک پولیس – Weldon Attock Police

کالم نگار: سید حبدار قائم

محرم الحرام کا مقدس مہینہ جہاں عقیدت، محبت اور قربانی کا پیامبر ہوتا ہے، وہیں امن و امان کے حوالے سے ایک بڑا امتحان بھی بن جاتا ہے۔ ایسے حساس موقع پر اٹک پولیس نے جس پیشہ ورانہ انداز، مستعدی اور ذمہ داری کا مظاہرہ کیا، وہ یقیناً قابلِ تحسین ہے

اس بار اٹک کی فضا میں ایک عجیب سا سکون اور اطمینان محسوس ہوا۔ جلوسوں کی گزرگاہیں ہوں یا مجالس کے مقامات، ہر جگہ پولیس کی موجودگی ایک مضبوط حصار کی مانند دکھائی دی۔ جدید تقاضوں کو مدنظر رکھتے ہوئے کیمروں کی تنصیب کی گئی، واک تھرو گیٹس لگائے گئے اور چیکنگ کے نظام کو نہایت مؤثر بنایا گیا پٹرولنگ پولیس مسلسل گشت میں مصروف رہی، جبکہ ایلیٹ فورس کی خصوصی نگرانی نے سیکیورٹی کو مزید مضبوط کیا۔

ایس ایچ او سجاد حیدر کی متحرک قیادت اور عقابی نظر نے اس پورے عمل کو ایک نئی جہت دی۔ ان کی دبنگ موجودگی، سخت چیکنگ اور ہر مقام پر فوری رسائی نے عوام میں اعتماد کو بڑھایا۔ میں نے جہاں بھی دیکھا تو مجھے ایس ایچ او سجاد حیدر متحرک نظر آۓ اور پولیس کے جوانوں کو ہدایات دیتے نظر آۓ اور خود بھی جلوس میں اور جلوس سے باہر نگرانی کرتے نظر آۓ

پولیس افسران کی ذاتی دلچسپی اور نگرانی نے فورس کے حوصلے بلند رکھے، جبکہ چست و پھرتیلا عملہ ہر لمحہ اپنی ذمہ داریوں میں مصروف رہا

داخلی راستوں کی بندش، مشکوک عناصر پر کڑی نظر اور فرقہ پرستوں کے خلاف سخت اقدامات نے امن کے قیام میں اہم کردار ادا کیا۔ کسی بھی ہنگامی صورتحال سے نمٹنے کے لیے ایمبولینس سروس کی موجودگی نے انتظامات کو مکمل بنا دیا

یہ کہنا بے جا نہ ہوگا کہ ڈی سی راو عاطف رضا  اور ڈی پی او سردار موارہن کی خصوصی توجہ اور حکمتِ عملی اس کامیابی کے پیچھے ایک مضبوط ستون ثابت ہوئی۔ پولیس اور انتظامیہ کے درمیان بہترین ہم آہنگی نے ایک مثالی ماحول پیدا کیا، جس کے باعث محرم نہایت پرامن انداز میں گزرا

اس کے ساتھ ساتھ دیگر اداروں کی خدمات بھی قابلِ ذکر ہیں۔ مریم نواز کی صفائی ٹیم نے صفائی کے بہترین انتظامات کیے، جبکہ میونسپل کمیٹی نے پانی کی سبیلیں لگا کر عزاداروں کی خدمت کا حق ادا کیا۔ ریسکیو 1122 نے ہمیشہ کی طرح مثالی کردار ادا کیا

پولیس کے بانیانِ مجالس کے ساتھ بھرپور تعاون نے اس اجتماعی کوشش کو مزید مؤثر بنا دیا

درحقیقت یہ سب ایک مربوط حکمتِ عملی، اخلاصِ نیت اور فرض شناسی کا نتیجہ ہے۔ اٹک پولیس نے ثابت کیا کہ اگر نیت درست اور ارادہ مضبوط ہو تو بڑے سے بڑا چیلنج بھی آسانی سے سر کیا جا سکتا ہے

 اگر ہم مجموعی منظرنامے پر نظر ڈالیں تو یہ بات واضح ہو جاتی ہے کہ اس سال محرم کے ایام میں اٹک ایک منظم اور مربوط حکمتِ عملی کی عملی تصویر بنا رہا۔ ہر ادارہ اپنی اپنی جگہ متحرک نظر آیا، مگر پولیس کا کردار ایک ایسے محافظ کی مانند تھا جو نہ صرف جاگ رہا تھا بلکہ دوسروں کو بھی احساسِ تحفظ فراہم کر رہا تھا

جلوسوں کے راستوں پر کھڑے اہلکار فقط ڈیوٹی نہیں دے رہے تھے بلکہ وہ اپنے فرائض کو عبادت کا درجہ دیتے دکھائی دیے۔ ان کے چہروں پر سنجیدگی، آنکھوں میں حفاظتی اقدامات اور رویے میں نرمی ایک ایسا امتزاج تھا جو عوام کے دلوں میں احترام پیدا کر رہا تھا۔ یہی وہ رویہ ہے جو پولیس اور عوام کے درمیان فاصلے کم کرتا ہے اور اعتماد کی فضا کو پروان چڑھاتا ہے

خاص طور پر نوجوان اہلکاروں کی پھرتی اور مستعدی قابلِ دید رہی۔ شدید گرمی، طویل ڈیوٹیاں اور مسلسل دباؤ کے باوجود ان کے حوصلے پست نہ ہوئے۔ یہ وہ جذبہ ہے جو کسی بھی فورس کو محض ایک ادارہ نہیں بلکہ ایک زندہ اور متحرک قوت بنا دیتا ہے

مزید برآں، عوام کا تعاون بھی اس کامیابی کا ایک اہم جزو رہا۔ شہریوں نے پولیس کے ساتھ بھرپور تعاون کیا، چیکنگ کے مراحل میں صبر و تحمل کا مظاہرہ کیا اور نظم و ضبط کو برقرار رکھا۔ یہی باہمی ہم آہنگی کسی بھی معاشرے کی اصل طاقت ہوتی ہے۔

اگر ہم اس پورے عمل کو ایک وسیع تناظر میں دیکھیں تو یہ صرف چند دنوں کی کامیاب سیکیورٹی نہیں بلکہ ایک مثبت روایت کا آغاز ہے۔ ایسی روایت جس میں قانون نافذ کرنے والے ادارے اور عوام ایک دوسرے کے شانہ بشانہ کھڑے ہوں۔

یہ بھی امید کی جا سکتی ہے کہ اٹک پولیس آئندہ بھی اسی جذبے، لگن اور پیشہ ورانہ مہارت کے ساتھ اپنے فرائض سرانجام دیتی رہے گی اور دیگر اضلاع کے لیے بھی ایک مثال قائم کرے گی

آخر میں یہی کہا جا سکتا ہے کہ

امن صرف اقدامات سے نہیں بلکہ نیتوں، محنتوں اور مشترکہ کاوش سے قائم ہوتا ہے  اور اٹک نے اس کی ایک خوبصورت مثال پیش کی ہے

اٹک پولیس کی اس شاندار کارکردگی پر دل سے یہی صدا بلند ہوتی ہے:

ویلڈن، اٹک پولیس، آپ نے اپنا فرض نہایت احسن طریقے سے نبھایا

Photo Courtesy Attock Police

آج بھی دو قومی نظریہ زندہ ہے

تحریر: محمد ذیشان بٹ

اگست کا مہینہ اپنے اختتام کی طرف بڑھ رہا ہے۔ جشنِ آزادی کے چراغاں، جلسے، جھنڈیاں اور بینرز اپنی جگہ، لیکن سوال یہ ہے کہ 78 برس بعد بھی کیا ہم واقعی آزادی کے اصل مقصد کو سمجھ پائے ہیں؟ پاکستان صرف ایک خطۂ زمین کے لیے حاصل کیا گیا تھا یا پھر "لا الہ الا اللہ” کی سربلندی کے لیے؟ یہ وہ سوال ہے جو آج بھی ہمارے گلے میں ہڈی بن کر پھنسا ہوا ہے۔
دو قومی نظریہ سنتے ہی ذہن میں برصغیر کا وہ منظرنامہ آ جاتا ہے جہاں ہندو اکثریت اپنی مکاری کے جال بُن رہی تھی اور مسلمان رہنما یہ فیصلہ کر رہے تھے کہ اگر علیحدہ وطن نہ لیا تو آنے والی نسلیں غلامی میں زندگی گزاریں گی۔ قائداعظم اور مسلم لیگ نے کروڑوں مسلمانوں کو قائل کیا کہ "پاکستان کا مطلب کیا؟ لا الہ الا اللہ!” اور نتیجہ یہ نکلا کہ لاکھوں جانوں کا نذرانہ دے کر پاکستان معرضِ وجود میں آ گیا۔
یہ نظریہ نیا نہ تھا۔ قرآن نے پہلے ہی بتا دیا تھا: "فَمِنكُمْ كَافِرٌ وَمِنكُم مُّؤْمِنٌ” یعنی انسان یا تو مومن ہے یا کافر۔ رسول اکرم ﷺ نے بھی واضح کر دیا کہ قومیت اور ملت کی بنیاد دین ہے۔ آپؐ نے ابو جہل جیسے قریبی قبیلے دار سے جنگ کی لیکن بلال حبشیؓ، صہیب رومیؓ اور سلمان فارسیؓ کو سینے سے لگایا۔ مطلب صاف ہے کہ ملت ایک ہے: ملتِ اسلامیہ۔
پاکستان اسی نظریے پر بنا تھا لیکن آج 2025 میں بھی ہمیں عجیب صورت حال کا سامنا ہے۔ دنیا بھر کے کفار آج بھی مسلمانوں کو نشانہ بنا رہے ہیں۔ فلسطین ہو یا کشمیر، افغانستان ہو یا برما—ہر جگہ خون ہی خون ہے۔ لیکن اس سے بڑا المیہ یہ ہے کہ پاکستان کے اندر ہی ایک طبقہ موجود ہے جو خود کو "لبرل” کہلاتا ہے۔ جی ہاں، وہی "لبرل منافقین” جو ہر وقت اسلام اور پاکستان کو بدنام کرنے پر تلے رہتے ہیں۔ ان کے کاموں کی فہرست دیکھیے:
پاکستانی نصاب سے اسلامی مواد کم کرنا،
اسرائیل کو تسلیم کرنے کا بیانیہ پھیلانا،
ہندوستانی ثقافت کو ہمارے گھروں میں داخل کرنا،
سوشل میڈیا پر مذہبی منافرت کو ہوا دینا،
اور نوجوان نسل کو بے حیائی کی طرف مائل کرنا۔

محرم کے دنوں میں یہ "لبرل برانڈ” پوری طرح ایکٹیو ہو جاتے ہیں۔ باہر کی دنیا سوشل میڈیا کو تعلیم، کاروبار اور ترقی کے لیے استعمال کرتی ہے، اور ہم اسے کافر، مشرک اور گستاخ کے فتوے لگانے کے لیے استعمال کر رہے ہوتے ہیں۔ ان لبرلوں کے ساتھ کچھ مذہبی "موم بتی بردار” بھی ہیں جو چند روپے اور تھوڑے سے مفاد کے لیے ان کے ہاتھوں میں کھیلنے لگتے ہیں۔
ذرا سوچیے! ایک طرف وہ طبقہ ہے جو مسجدوں میں دعائیں مانگتا ہے، غریبوں کو کھانا کھلاتا ہے، ملک کے لیے قربانیاں دیتا ہے۔ دوسری طرف یہ لبرل برگیڈ ہے جو ہمیشہ پاکستان کو بدنام کرنے، اسلام کے قوانین پر انگلیاں اٹھانے اور اپنے آقاؤں کو خوش کرنے میں لگا رہتا ہے۔ یہ خود عملی طور پر کچھ نہیں کرتے، بس سوشل میڈیا پر "پاکستان فیلڈ” اور "اسلام ریگریسِو” جیسے نعرے مار کر اپنی ڈیوٹی پوری کرتے ہیں۔
اگر پاکستان کو بچانا ہے تو ہمیں دوبارہ دو قومی نظریے کی اصل روح کو زندہ کرنا ہوگا۔ والدین، اساتذہ اور علمائے حق کو مل کر نوجوان نسل کو سمجھانا ہوگا کہ یہ ملک کھیل تماشے کے لیے نہیں بلکہ اسلام کے نفاذ کے لیے حاصل کیا گیا تھا۔ انہیں بتانا ہوگا کہ لاکھوں شہداء نے اپنی جانیں اس لیے نہیں دیں کہ آج کوئی ٹوئٹر پر بیٹھ کر "پاکستان نامکمل خواب ہے” کا نعرہ لگائے۔
سچ یہ ہے کہ پاکستان آج بھی دو قوموں پر کھڑا ہے: ایک طرف وہ مخلص مسلمان جو مشکل وقت میں قوم کے ساتھ کھڑا ہوتا ہے، اور دوسری طرف وہ "لبرل منافق” جو اسلام اور پاکستان کے خلاف ایجنڈے پر چلتا ہے۔ فرق صرف اتنا ہے کہ 1947 میں ہمارے سامنے ہندو کھڑا تھا، آج ہمارے سامنے نقاب پوش "اپنوں” کی شکل میں کھڑے ہیں۔
یقین رکھیے! یہ ملک ان شاءاللہ قیامت تک قائم رہے گا کیونکہ یہ اسلام کے نام پر بنا ہے۔ لیکن شرط یہ ہے کہ ہم اصل نظریے کو سمجھیں، اسے زندہ رکھیں اور آنے والی نسلوں کو یہ سچ بتائیں کہ پاکستان کسی لبرل فیشن شو کے لیے نہیں بلکہ "لا الہ الا اللہ” کے پرچم کو بلند کرنے کے لیے حاصل کیا گیا تھا۔
اسلام زندہ باد! پاکستان پائندہ باد!

تحریر شاندار بخاری

مقیم مسقط

زمانہ بہت ترقی کر چکا ہے ہم زمین پر بیٹھے نا صرف ریموٹ کے ذریعے اپنے گھر کے پنکھے وغیرہ کنٹرول کر رہے ہیں بلکہ آسمان کے مناظر بھی دیکھ رہے ہیں لیکن یہ نہیں جانتے نا جاننے کو کوشش کرتے ہیں کہ یہ سب چیزیں کن مشکلات کن مراحل سے گزر کر ہم تک پہنچی ہیں ۔

باہر درجہ حرارت 40 ڈگری کراس کر جائے تو ہمیں ساہبان تلاش کرنے کی ضرورت نہیں بلکہ ہم اے سی والی کمرے میں بیٹھ کر اس پر تبصرہ کرتے ہیں ، گرمی کی شدت ہلکی سی بھی محسوس ہو تو کنویں تک جانا نہیں پڑتا بلکہ فرج میں  ٹھنڈا پانی میسر ہے اور اس میں مزید زاہقے کیلئیے روح افزا ملا لیتے ہیں اسکنجبین بنا لیتے ہیں ، بھوک لگے تو کھیت میں جانے یا پکانے کی الجھن نہیں بلکہ فون پر آرڈر کر کے منگوا لیتے ہیں ، ٹھنڈ لگے تو آگ جلانے کے بجائے گرم کپڑے پہن لیتے ہیں ، بیمار ہوجائیں تو ستاروں کی چال اور حکیمون کے چکر کے بجائے ان لائن ڈاکٹر سے دوا لے لیتے ہیں ۔ ۔

لیکن یہ سب کبھی ایسا نہیں تھا جب اے سی نہیں تھے تب بھی گرمی ہوتی تھی لیکن محسوس نہیں ہوتی تھی ، جب ریستوران نہیں تھے تب بھی گھروں میں چولھا جلتا تھا ، جب فرج نہیں تھا تو مشکیزے تھے ، جب تن پر پورا لباس نہیں تھا تو آنکھوں میں حیا تھی غرض کہ ہر دور کے اپنے تقاضے تھے ۔ان دنیاوی چیزوں اور معاملات کے علاوہ اگر ہم اپنی مقصد حیات پر توجہ دیں تو یہ دیں ہمیں ایسے نہیں ملا ، تاریخ کا مطالعہ کریں تو ایسے ایسے واقعات پڑھنے کو ملتے ہیں کہ دماغ ششدر رہ جاتا ہے کہاں وہ گرم پانی اور سوکھے چھوارے کھانے والے اور کہاں ہم۔

زمانہ بے شک بہت ترقی کر چکا ہے ہم بہت آگے آ گئے ہیں لیکن اس ترقی اور ہمیں یہاں تک لانے والوں کو بھی یاد رکھیں خوش قسمت ہیں آپ جو کلمہ گو کے گھر میں آنکھ کھولی ۔ نماز جو ہم پڑھتے ہیں اسے بچانے کیلئیے امام حسین علیہ السلام ذبح ہوئے ، اپنے 6 ماہ کے ننھے علی اصغرؑ کے گلے میں وہ تیر سہا جس سے ہاتھی کا شکار کیا جاتا تھا ، جس گھر سے پردہ قائم ہوا ان مستورات کے سروں سے چادریں چھین کر ہاتھ سر کے پیچھے باندھ کر کربلا سے شام کے بازاروں کی تنگ گلیوں تک پیدل چلایا گیا اور وہ اپنے چہروں کو بالوں سے چھپاتی تھیں ، ننھی سکینہؑ جس کو اپنے بابا کے سینے پر سونے کے عادت تھی شام کے اندھیرے زندان میں تھپڑ کھاتی ہمیشہ کیلئیے سو گئی ، خانوادہ رسول ﷺ کے کم سن بچوں کو ذبح کر کے ان کی لاشوں پر سے گھوڑے دو ڑاے انہیں پامال کیا  اور یہ سب سن 61 ہجری میں اسی ماہ محرم میں ہوا تو اب ہم اس ماہ میں خانوادہ رسول ﷺ پر پیش آنے والی صعوبتوں کو یاد کر کے خوشی کیسے منائیں ؟ یا تو ان واقعات سے بے خبر ہو جائیں یا پھر محسوس کریں اور خود پر اپنی اصلاح پر توجہ دیں کہ ہمیں اسلامی شعار کے مطابق کیسے زنگی بسر کرنی چائیے جس کی خاطر یہ لا زوال قربانیاں دی گئیں ، جس طرح ہم وراثت میں ملی زمین جائیداد اور دیگر اشیاء کی اہمیت کو نہیں سمجھ یا جان سکتے اسی طرح وراثت میں ملے دیں کو بھی نہیں جان پا رئے۔

آج یکم محرم  سن 1443ھ ہے اسلامی سال کا پہلا دن اور میری دعا ہے کہ آج کے دن سے لیکر اور جب تک آپ حیات ہیں آپ کی زندگیوں میں کوئی غم کوئی رنج و الم نا آئے سوائے غمِ امام حسین ع۔س کے ۔

الداعی الى الخير

شاندار بخاری