Tag: افطار

سفارتخانہ پاکستان عمان کے اعزاز میں افطار ڈنر کا انعقاد

مسقط (سیّد زیب حسن) مسقط کی معروف کاروباری شخصیت احمد گھمن صاحب نے گزشتہ روز مسقط کے سب سے بہترین پاکستانی ریستوران میرٹھ ہوٹل الوطیہ میں سفارتخانہ عمان اور مسقط کی پاکستانی کمیونٹی کے اعزاز میں افطار پارٹی کا انعقاد کیا ، اس بہترین تقریب میں سفارتخانہ پاکستان سے قونصلر ویزہ سیکشن جناب سلمان بن طارق اور کمرشل اتاشی جناب عشرت حسین بھٹی صاحب نے خصوصی شرکت فرمائی۔

پاکستان کمیونٹی سے چیئرمین پاکستان سکولز عمان محترم امیر حمزہ صاحب ، چیئرمین عمان ٹیپ بال کلب جناب زاہد شکور صاحب ، معروف بزنس مین احمد رضا قادری ، محمد آصف ، سیکرٹری عمان ٹیپ بال کلب محسن شیخ ، معروف سماجی شخصیت سید شاندار علی شاہ بخاری ، مظہر شیخ ، ولید بنوری ، انجیئر امیر حمزہ ، انجینئر سید عقیل عباس ، محمد زیشان ، میزان احمد گھمن صاحب کے صاحبزادوں سمیت راقم الحروف نے شرکت کی ۔

مسقط میں محنت کشوں کے لئے افطار

مسقط ، سلطنت عمان ( نمائندہ خصوصی) سلطنت عمان کے دارالحکومت مسقط کے صنعتی علاقے معبیلہ میں پاکستان زندہ باد فورم کے تحت پانچ سو سے زیادہ محنت کش بھائیوں کے افطار کا اہتمام کیا گیا۔ پاکستانی سفارت خانے سے عزت مآب سفیر محترم ڈاکٹر عمران علی چوہدری صاحب کی خصوصی ہدایات پر نائب سفیر بلال حسن صاحب ، کمیونٹی ویلفئیر اتاشی عتیق الرحمٰن خان صاحب اور ٹریڈ کونسلر عشرت حسین بھٹی صاحب نے شرکت کی۔ یاد رہے کہ کمیونٹی افطار کا یہ سلسلہ سیاسی، سماجی راہنما اور علمی و ادبی شخصیت سیّدزادہ سخاوت علی شاہ بخاری رحمۃ اللہ علیہ نے چند ساتھیوں کیساتھ مل کر شروع کیا تھا.

ان کے انتقال کے بعد ان کے جانشین سیّدزادہ شاندار علی شاہ بخاری نے احباب کے ساتھ مل کر اس سلسلے کو جاری رکھا ہوا ہے۔شاندار بخاری کا کہنا ہے کہ ہم سب مل کر یا کمیونٹی میں سے کوئی بھی اس کا اہتمام اپنے اپنے طریقے سے کرتے رہتے ہیں۔ رواں سال اور سال گزشتہ چوہدری منور حسین سیال ، چوہدری ارشد علی سیال اور چوہدری تصور حسین سیال کے تعاون سے اس کا اہتمام کیا گیا۔انتظامی امور میں عمران صدیقی صاحب اور حافظ محمد ابراہیم صاحب نے خصوصی تعاون کیا۔ اللہ رب العزت سے دعا ہے کہ اس سلسلے کو قائم رکھے اور تمام منتظمین اور احباب جنہوں نے تعاون کیا ان کو سلامت با کرامت رکھے ، آمین ۔

گلوبل منی ایکسچینج سے ان کے مارکیٹنگ مینجر محمد عثمان صاحب کا بھی شکریہ جنہوں نے والنٹیئرلی تمام روزے داروں اور مہمانوں کیلئے تحفوں کا انتظام کیا ۔